Aposel 10:2 - Wantoat

² Yuke Anutue natapan kekekawan maatnaat waatdakanaat kuutda Anutue akgwauke yuking. Yuke aminu sangaapana wena yukingu mani buyambam yamuke gatayamuyuk tumuk wamu asinggan asinggan Anutue inikut.

Aposel 10:2 ပူးပေါင်းရင်းမြစ်များ

Lotutane Kap Taknga 102:15

Aminu dongu kuupbamda Buyambam tapae akgwauke ie gepbiatang yutning. Ngan, Buyambamtapa, kingu kuupbamu kepna kepna nanata gatane umanda kopsa siknga akngakae akgwautning.

Lotutane Kap Taknga 119:2

Aminu Anututane mama wamu kuupbam asiknga tawakaingu take aknga pasiyamik. Waaminda Anutue kuke iat yutnangge take siknga nataaing.

Lotutane Kap Taknga 25:5

Gata siakan wamu gikane aknga tawambitde nanindamumso. Dasingge, ga natane Anutuna. Gata na tapi iwanata dua napbitning. Sike tapdukbam asinggan asinggan gata gatangamiyakge gae ganduyuat.

Lotutane Kap Taknga 41:1

Aminu tapatuta umana wena aminde natake gatayamiu, waapa apbakngayok. Buyambam tapata meya ie asapan ngana ita akgatangamik.

Lotutane Kap Taknga 55:17

Sike tembana gatu kepmaom gatu zikaane kuut, meyata tasiwan mainggatde sitawanggat. Siwan ita nae tumuu atnataak.

Lotutane Kap Taknga 86:3

Anutu, ga natane Anutuna. Nata tapdukbamu kwakngaom gatu zikaane ngangu nata gae tumuk wamu ganinggat. Ganiwawa gata musip kwikwiu nae natangamuyo.

Lotutane Kap Taknga 88:1

Anutu, Buyambamtapa, ga na gatangamunggayak kapanin. Nata kwakngaom gatu zikaane kuut gata gatangamiakge yanggawanggat.

Matyu 25:17

Siwan aminu 2,000 Kina pakut tapaaya puya tasike isakoke gatu 2,000 Kina kunduat pakut.

Wamu Takeaknga Lukga Matakut Taknga 18:1

Siwan Jesuta tuwang wamu takngatu yanindamuban asinggan tumuk wam yake semna dua natapningge anzing yanikut,

Wamu Takeaknga Lukga Matakut Taknga 2:25

Siwan aminu tapatu umana Simion ngang iniking. Ita Jerusalem gapmane yukut. Aminu nomantapa asinggan asinggan baniaatangu Anutue nataak. Isrel nana gatayamik kapae natayuakut. Natayuwawan Anututane Waung Kapata gatangamukut.

Aposel 10:22

Yanikwaiwan yake anzing iniking, “Ninu Konilias amak aminu 100-dane tupan tapa yuakga ninipewan apumang. Konilias waapa aminu noman tapa. Anutue akgwaukgaunin. Aminu Judia nana kuupbamda ie noman tapa ngang yakaingunin. Sike Anutue angela tapatuta yanggawamban kuku wamu kundu yawi natapikge iniwan ninipewan apumang,” ngang iniking.

Aposel 10:31

‘Konilias! Anututa tumuk wamba gwa natanggamuk. Natanggamuke sangabamu atdapmakaingge yamunggayak kakngae atnataak.

Aposel 10:35

Aminu tapatu keu zakneka nana tapatuta Anutue akgwauke nomana takngakan tasike yuwikge take natangamunggak.

Aposel 10:4

katasiyuk gwauya siknga natake anzing inikut, “Buyambam tapa! Mina,” ngang iniwan angelata anzing inikut, “Tumuk wamu yayuk aminu atdapmakaingu gatayamuke tasiwawi Anututa gandupan take singgakge ganinggat.

Aposel 10:7

Unzing iniwan puyuwan initeke kuwana Koniliasda puya amina tapaaya gatu amak aminu asinggan iat gatake pasingamukikat nana tapatu Anutue natapan kekekanggak kapa ngang yayawamban apbing.

Aposel 11:14

‘Ita apukenga wamu kundu daniwik. Wa daniwik kakngata gatandaman ginu waakga yapaka ngangu ginu kuut paanda gatukande dua maining,’ ngang nanikut.

Aposel 13:16

Yaniwan Polda enake katakngita tuwanga tasiyuk anzing yanikut,

Aposel 13:26

“Siwan ninu kuupbam notna Ebrahamdane donga ba gatu dongu inata nana Anutue akgwaukamang amin. Ninde siknga natake gatanimunangge tasikut takngae Anututa wamu ninde tewan apbut.

Aposel 13:50

Kuwawan ngana Judia nana aminda yanikamayau kepman nana ngana Anutue akgwauking amin gatu wawi umana kaya aminu you wanggapmane nana musia pangenawa Polkat Banabaskat pasimaiking. Pasimaike keu waomune ayanikwasiking.

Aposel 18:8

Siwan miti you wagwende kayuya aminu umana Krispas ngang iniking. Iat ina paakatda Jesu Buyambam tapaninde natake akgatanimuya apanin ngang natapa kekekakut. Siwawan aminu Korin yot gapmane nana aminu kwaapzangga Polde wam natake siakan ngang natapa kekekawan yangga sauyamuking.

Aposel 2:5

Siwan tupa siknga Judia nana aminu buyambamda kepna kepna kuke pakapuyut amin dakngake yuking. Dakngake yukingkat nana aminu Anutue wam gwaamuke yukingu wa aminda tapduk wagwene kepna kepna wa kuke yukinguneta Jerusalem apbing.

Aposel 22:12

“Take kopnana aminu tapatu umana Ananaias ngang iniking. Ita Mosesde mama wamu katak siknga tawakakuunin. Ge Judia nana aminu paku Damaskas yot gapmane yuaingga kakengu amin noman tapa ngang yakakingunin.

Aposel 8:2

Siwan aminu kundu Anutue natapbingga Stivenu atanguwa kumbut tapae kwanam gwaanga sike kwaiking.

Aposel 9:11

“Enake kepi tapatu umana Noman tapa ngang inikaing kapa tawamso. Tawatake kuku aminu tapatu umana Judas ngang inikainggane yot gwene kayo. Undang aminu tapatu Tasas nana umana Sol ngang inikaing. Ita undang yuke tumuk wam yake yuak.

Aposel 9:31

Siwan Jesuat nana aminu Judia gatu Galili gatu Sameria kep kokomune nana aminda gwauya aknga teke nangaakan dua natapbing. Takekan natayuke Jesu Buyambam tapaninde gepbiatang yuwawa Waung Takwanda musia papan kekekaking. Papan kekekake Jesutane puya aknga take siknga tangenake tasiking. Tangenake tasiwawa aminu Jesue amin dakngakingu apunggawa apunggawa buyambam sikut.

Aposel 9:36

Siwan maya Jopa yot gapmane nana tapatu Jesue amina dakngakuu umana Tabita ngang iniking siwan tana tekwamban Grik wam taknganu Dokas ngang iniking. Maya waapata aminu sangaapae dapanu asinggan asinggan gatayamukakut.

Kolosi 4:2

Siwan ginu aminu kuupbam. Ginda tumuk wamu Anutue asinggan inike ma tuyukawam. Ginda tumuk wamu asinggan yake yake yasika ngana dapunde natake ma petakwemapam. Aho. Ginda kayuk yuke Anutue inimbaknganong.

1 Tesalonaika 5:17

Ginu tumuk wamu asinggan asinggan yanong.

Jems 1:5

Siwan aminu gikat nana tapatuta natdetdetna dapaknga siwanu ita Anutue tumuk wam ininangge take natapsok. Ita Anutu aminu kuupbamde natdetdeu yamusaanguke ngana dua yanisapdukgak kapae inike

Wamu Jonda Mia Kake Matakut San 15:4

Buyambam tapanin. Ga awiapatakan nomana siknga yuayak. Asikaya aminu tapatuta gae dua gwaumbik? Dua gwauke gatane umanda dua yatangenawik ba dasing? Wena. Aminu kepna kepna nana kuupbamda gae apuke tumuk wam ganining. Ngan. Puya kuupbamu gata nomana siknga pasinggayak kaknga anggamanu aminu kuupbamda gwa kaking.”