2 Timoti 1:4 - Wantoat

⁴ Nata ga gapmake kunangge tasiwa nanduke ga ma kuwim ngang nanike gata kwanam sikuyak kakngae natanggamatake nata ga gatuna gandupnangge take siknga nataat. Nata ga ganduke asiknga bakngawit.

2 Timoti 1:4 ပူးပေါင်းရင်းမြစ်များ

Lotutane Kap Taknga 126:5

Sike aminu kwanamna siyuuk nanam zak kwainingu, waakwau damana gwa siningu kuku apbakngake pakapuyuuk kap taining.

Wamu Takeaknga Jonda Matakut Taknga 16:22

Ngang ginda ina unzakan yutning. Apmanu ginu musipzaatang meya nataaing ngana tapduknga nata gatuna gin dandupit gwekatang meya waakngasa sandewan ginda apbaknganing.

Wamu Takeaknga Jonda Matakut Taknga 16:24

Ginu nae natake Anututa initewan apu pasinggak ngang natapa siakan singgakge tumuk wam inina Anututa atasinimik ngangu tupa ginu dua natake tasiking. Ngana apmanu ginda unzing iniwanu ita atasindaman ginu asiknga baknganing.”

Aposel 20:19

Sike ninae uman dua tangenake puya amin tapatu Buyambam tapanindane dakngake puyana pasiyuwawa aminu Judia nana aminu kunduta na nutnangge yasopuke tasiwawa na meya buyak yukum.

Aposel 20:31

Unzingge ginda katak tagwautnong. Siwan nata nakanu gweaat gwenduat gikat gatake yuke kwakngaom gatu zikaane kuupbam asinggan daninggamatakum. Daninggamatake banipmaatang ginu dua bitaningge take siknga natake kwanam siyuk danindamuke tasikum takngae take siknga natanggamatake tagwautnong.

Pas Polda Rom Nana Aminde Matayamukut San 1:11

Ngan. Nata gin dandupnangge take siknga nataat. Gin danduke nata gindane musipza papa kekekaningge natake dandupnangge nataat.

Filipai 1:8

Siwan nata ginde natayuke Jesu Kraisda ginde banip sike ita natane musipma tangenawan nata gin dandupnangge take siknga nataat takngae Anututa atnataak.

Filipai 2:26

Sike ita ginu gatuna dandupnangge musiaatangu toknga siknga nataak. Ngan. Ita mait sike yuwawan aminu tapatuta ie natake gin daniwan natapbingge meya natake ita gin dandupnangge natayuak.

1 Tesalonaika 2:17

Mate notna! Ninda gin dapmake zetzet kunimde natake you gapmandune kukumang. Kuke ginde gwangat siknga natdamuke toitoitda minga nanae gwangat siknga nataaing binga natandamuke yuamang. Siakan. Ninda ginde nomu dua danduamang ngana ninde musipmikatangu ginde atnatanggamatake ginde gatunin kunangge toknga siknga natapbumang. Ninde musipatangu gin dandupnangge toknga siknga natake ninu puya kekeknga siknga kepi kake ginde kunangge tasikumang. Siwan na Pol. Nata tapdukbamu ginde kunangge tasiwa ngana Setenda naat notnaatdane kepininu asumutnimunggak ngana

2 Timoti 4:21

Sike gata nae zetgaman apso. Tapduu gou waita puyapik gwenda apuke kepika umukgamuyak. Ge zet apso. Sike notda Yubyulas gatu Pyudens gatu Lainas gatu Klodia gatu notda kuupbamda gae gaak wamu yatewa kunggak.

2 Timoti 4:9

Siwan puya amin notna tapatu umana Dimas ngang inikamang kapata sanga kepdakane nana akngae take siknga natake ita na napmake Tesalonaika yot gapmane gwa kukut. Unzingge gata zetgaman nae apso. Dasingge? Notna Kresensda napmake Galesia kep komune gwa kukut. Sike Taitasda Dalmesia kep komune kuke yuak.

1 Jon 1:4

Siwan wamu waaknga ginde matandamukamangu ninda apbakngakamang kakngata buyambam siwikge natake matandamukamang.

Wamu Jonda Mia Kake Matakut San 21:4

Sike ita amindane kai yangga kuupbam pasiwan kuning. Sike aminu tapatuta dua kupik. Gatu aminu tapatuta musia meya dua natake kwanamu dua sike sanga toknga gupnane dua natapik. Wena siknga. Sanga tupa nana wa kuupbam gatukande gwa sandekgak,” ngang yawan natapbum.

Wamu Jonda Mia Kake Matakut San 7:17

Dasingge? Sipsip mateu Anutu tupan siknga apatane nomune yuak kapata wa aminu akayuke yangga dapunu asakonggak dakane yanipakuwan kuning. Kuke yangga wa tangoke kayuu asinggan asinggan yutning. Yuwawa Anututa kai yangga pasiwan kuwa wa aminu kwanamu gatu dua sitning,” ngang naniwan natapbum.