2 Korin 5:1 - Wantoat

¹ Sike natane gupmae natapa sel you gwendu binga singgak. Toikngata yotna siknga kunangge natakengu ita sel yot gwen waike takuwik binga nata akungwake gupmasan teke kuwawa aminda gupmasan taku kwaining. Siwan na. Nata yotna siknga Anututa ina enandang tasingaman kekeknga asinggan yuak gwene koke yuwit.

2 Korin 5:1 ပူးပေါင်းရင်းမြစ်များ

Lotutane Kap Taknga 56:9

Anutu, nata gae tumuk wam yawanu gata tasiwi iwanata masa namuke datakuning. Datakuwa kake gata gatangamunangge tasinggaak ngang natapit.

Wamu Takeaknga Makga Matakut Taknga 14:58

“Ninda natawatna ita anzing yakut, ‘Anututane yot takwanu aminda apmitapbing gwenu waitdeke tapduu gweaat gwenduatdekan nata gwendu mitapit ngana nata katakngata dua mitapit,’ ngang yawan kakumang,” ngang yaking.

Aposel 7:48

“Tasiwan ngana enane siknga yuak kapata yot aminda tasiking gwene yutnanga dua ngang natake aminu Anututane wam yanikapbut tapata wamu takngatu anzing matakut,

1 Korin 3:9

Ina unzakan niu puya amin notna dakngake Anututane puya pasikamak. Siwan aminda puyane kuke nanam zak yapukaing. Ina unzakan nitda puya tasitakuwatda Anututa pasiwan buya aawan ginda itane aminabam dakngake yuaing. Siwan ginu Anututane yotna binga. Ita ina mitanggak gwen binga dakngake yuaing.

2 Korin 4:7

Siwan na anzing nataat. Na Anututa kaik pake aminu wa tumukut tapatane dongune aakum. Aake na akumnanga amin dakngake kekeknga asinggan dua yuwit ngana ita inane natdetdeu take siknga waaknga nae namukut. Nae naman take nata yanikapmake tasiwa buya aawan kake aminu kuupbamda nae dua natapning. Aho. Anututane kekeknga aknganata puya waaknga pasike gatanimunggak ngang natapning.

2 Korin 5:4

Sike nata gupma kepda tumukut san take yusika gupma kayukge natake nata butaya wamu asinggan yanggat. Sike butaya wamu nata yanggau wa nata gupma kepda tumukut san tenangge dua yanggat. Aho. Nata kayuk yusika gupma kayuk tanangge nataat. Gupma kayuk tapa sanga akumnanga akngane Anututa na sandewan nata dua kungwake kayuu asinggan yutnangge natake wamu waaknga yanggat.

Kolosi 2:11

Siwan Judia nana aminda notna tapatutane waaknga take itane gupna matake waaknga waapata Anututane amina tapatu daknganggak ngang nataaing. Siwan ngana gin. Kraisda ginu inae papan ginda sanga wai gindane musipza enakaing kaknga kuupbam bitapewa danduke Kraisda ginu natane amina ngang daninggak.

2 Timoti 1:12

Yanindamuwawa meya nae nama pake yuat. Siwan ngana meya wa panangge na dua maakanggat. Aho. Na Anutu waapa nata ie natapa kekekanggak kapae atnataat. Na nanduyuwikge iniwa ita na nanduyuwawan kuku tapduknga Jesuta gatuna apik gwene kuwik ngangu natane musipmaatang natapa siakan singgak.

Hibru 11:10

Siwan Ebrahamda you sel daka dakatakan mitapbuu wa ita yot bamu gapmandue natanggamatake tasikut. Ngan. Yot bam gapma Anututa ina mitake tapan kekekanggau wa gapmane kunangge natanggamatakut.

Hibru 9:11

Siwan Kraisda enandangga epuke ita puya Anututane yot takwan gwene pasiya amindane tupan tapa kuupbamda tupa tuwanguke tasikaking kakngatane buya siknga tasikut. Ita tasike sanga take siknga apmea aawikge tasikut. Tasike ita yot takwanu gwaam siknga aminda dua mitapbing gwene kopbut. Siwan you wagwenda yot takwanu kepdakane mitapbing gwenu ayapbikut. Yot takwan siknga wa enandang yuak gwene tapduu awia sipdukan koke ita kaap dau dua pake kopbut. Aho. Ita inane daknga pake kopan kake Anututa wamu nindane waiaknganin sandetnimuke ninda itane nomune gitna siknga asinggan asinggan yutnanga aknga yawan yukut.

Hibru 9:24

Siakan. Yot takwanu aminda tasike sanga enandang yuaingunin pandaike mitapbing gwene Kraisda dua kopbut. Aho. Ita enandangu Anututa ayuak komune siknga kopbut. Koke ita Anututane nomune yuke puya Anututa nindane waiaknganin sandetnimikge tasinimunggak.

1 Pita 1:4

Ngan. Sanga kayuk asinggan yutnanga aknga take yusika ninda natake Anututa apmea ninu waiakngane gatukande sandewik ngang nataamang. Nin sandetnangge natake ita nomana siknga tasiwan waiaknganinu wena siknga siwan ninda asinggan asinggan take siknga yutnim. Siwan Anututa ninde unzing tasinimunangge natayuak.

2 Pita 3:11

Sanga wa kuupbam asopuning ngang natake ginda kepi dasing kakngane sukunangge natapning? Ginda Anutue natanggamatake ie gepbiatang koke kepi nomana siknga akngane sukunong.

1 Jon 3:14

Ninu atnataamang. Ninda sanga kumnanga aknga teke kayuk yutnanga akngane yuamanggen. Ninda banip gwaangu notninu Jesuat nana aminde natayamukamang kakngae natake ninda kayuk yutnanga akngane yuamang ngang natapna siakan singgak. Siwan aminu notnae musip gwaang dua natayamunggau waapata sanga kumnanga aknga gitna take yuak kapanin.

1 Jon 3:19

Siwan ngana ninda musipmikatang natagwaanguke asikaya ninu Anutue nomune taketa dua ba yuamang ngang natapnim. Unzing natakengu ninda dasing kaknga natapna kusiwan Anutue nomune gitna yutnim? Ninda notninde banip gwaang natayamukamang kakngae natapna kusiwan Anutue nomune gitna yutnim. Ninda banip gwaangu unzingu wa natayamukamang kakngata yeutniman ninu siakan wamde gepbiatang yuamang kakngata anggaman siwan kanim. Kake itane nomune take yutnim ngang natapna kekekawik. Dasingge? Anututa sanga kuupbamde atnataak. Sike ita sanga ninda musipmikatang natagwaanguke nangaakan unzing nataamang kakngae anggaman atnatake ngana musia kwikwikngata yuak.

1 Jon 3:2

Ngan waatdakana. Ninda Anututane waaknga yapana dakngake yuamang. Sike tapduknga Jesuta gatu apik gwene ninda sanga akanim takngae ita dua apuwawan ninda botake yuamang. Ngana atnataamang. Ninda itane nomna kana ita yuak kakngakan dakngake unzing yutnim ngang natapna siakan singgak. Siwan ngana ita ninda unzing dakngake yutnim takngae dua yeutniman kakumang.