2 Korin 1:4 - Wantoat

⁴ Sike meya takngatu takngatu nae apan ngana ita natane musipma tasiwan kwikwiknga singgak. Siwan ngana ita naekan dua natake tasinggak. Aho. Ita amin bamde natake na gatangaman meya takngatu takngatu notninde apa kakengu nata wa amindane musia pasiwa kwikwiknga sining. Unzing ita natane musipma tasiwan kwikwiknga singgak binga nata ginu notnae pasidamitde natake Anututa na gatangamunggak.

2 Korin 1:4 ပူးပေါင်းရင်းမြစ်များ

Lotutane Kap Taknga 32:5

Masande nata waiakngana gae yakapbum. Nata waiakngana dua takusopukum. Sike nata anzing yakum, “Nata waiakangana kuupbam Buyambam tapae yakapit,” ngang yake nata yakapa gata waiakngana kuupbam asandekngamukuyak.

Lotutane Kap Taknga 32:7

Ga natane akusopunggat tapana siknga. Nata undang kusopuwa gata na kakuya tasiwi meya akngata na dua tasiwan pimapit. Gata na meya akngane pimambanu gata na atanggayak. Anzing tasinggayakge nata apbakngake kau kumzang tainggat.

Lotutane Kap Taknga 66:16

Ginu aminu Anutue gwaukaing aminda apuke natane wamu natapnong. Nata sangabamu Anututa pasike akgatangamukutdane wamu daniwa natapnong.

Lotutane Kap Taknga 86:17

Buyambam tapa, nata sanga gata musipbaatangu butaya natangamunggayak kakngatane tuwang yeikngamuyo. Yeikngami natane iwanata kake gata gatangamuke tapi kekekanggat ngang natapning. Natake waaminda inane waiaknganae asiknga maakaning.

Wamu Takeaknga Jonda Matakut Taknga 14:16

Sike siakan wam takngatane yapii Anututane Waung Kapa unin. Ita gatandamuyaapa dakngake asinggan yuwik. Siwan na dapmake kuke Nana iniwa ita Waungu wa gatandamuyaapa initewan ginde asapik. Initewan apuke gikat gatake asinggan asinggan yutning. Unekan gatake yuwawa ngana aminu Anutue natapa siakan dua singgak aminda Waung waapae dua natake kainata dua kake ie natapa siakan dua siwik. Siakan dua siwan ngana Waungu waapata gikat gatake unekan yuwawa ginda ie atnataaing. Atnatake yuwawa iat gikat asinggan unekan gatake sukuning.

Wamu Takeaknga Jonda Matakut Taknga 14:18

Nata ginu dapmake kuwawa ginda toitoitda binga dua yutning. Wena. Ginu dapmake kuke gatuna ginde asapit.

Wamu Takeaknga Jonda Matakut Taknga 14:26

Ngana nata Nana iniwa ita inane Waung Kapa gin gatandamik kapa initewan ginde asapik. Initewan apuke danindamuke ginde natdetdetza pangenawan ginda wamu kuupbam nata daniwa yusika apbotaningu gatusa natdetning.

2 Korin 7:13

Siwan ginda sanga waakngae natake apbakngakaing kakngata natane musipma tasiwan kwikwikngata yuat. Sike Taitasda gikat gatake yuwawa ginda itane musia tasiwa kwikwikngata yukut. Siwan sanga ginda unzingu wa tasiking kakngata natane musipma tapan kekekake kumzang baknganggat.

2 Korin 7:4

Natake nata ginde anggaman siknga daninggat. Sike nata gindane umanza asiknga yapangenakgat. Ngan. Ginda natane wama gwaamuke tasikaing kakngata natane musipma tapan kekekanggat. Siwan iwanata enake nae meya buyambamu asinggan namuwawa ngana natane musipmaatangu nata kumzang siknga baknganggat.

Filipai 1:14

Unzingge natane notna Jesuat nana aminu you anggapmane nana aminu buyambamdane musia sanga nata kaautde yuke ngana Anututane wam tenangge dua nataat takngata papan kekekakaing. Papan kekekake tupa wa aminda Anututane wam yanikapnangge dua gwauking ngana apmanu wa aminda musia gitna sikngata yuke wamu waaknga ayanikapmakaing.

1 Tesalonaika 4:18

Siwan ginda notza wamu waaknga yanike notna gwa kumbingge butaya siknga nataaing kaknga sandeyamunong.

1 Tesalonaika 5:11

Unzingge ginda wamu wa takeaknga notza Jesuat nana aminde yamuke ginda inandek inandek musia papa kekekakaing kakngakan tawake asinggan tasinong. Tasiwawa Jesue natapa siakan singgak kakngata buyambam siyok.

Hibru 12:12

Siwan gindane katakza moosa pewa yuaingu ginda pangenake puyasa pasinong. Ngan. Gindane munza atuyukawa yukengu ginda gatusa ngwakngake kunong.