1 Korin 13:9 - Wantoat

⁹ Dasingge? Sanga ninda natdekamangu wa ninda kautdukan nataamang. Sike wamu ninda yanikapmakamangu wa ninda Anutue wamu kautdukan natdeke yanikamang.

1 Korin 13:9 ပူးပေါင်းရင်းမြစ်များ

Lotutane Kap Taknga 139:6

Siwan gatane natdetdetda unzing wa nataayak kaknga enane siknga. Siwan natane natdetdetna ayapbikgak.

Lotutane Kap Taknga 40:5

Anutu, Buyambam tapana, gata puya nomanu kwaapzang nin gatanimunangge tasikuyak. Aminu ga binga tapatu wena. Gata asiknga yapbikuyak. Sike nata gae wamu amin yanike puya gata tasinggayakge gatu natdetdet takngakaatde yaniwiu mateknga dua. Mate! Sanga wa kwaapzang siknga. Gata sangabamu nin gatanimunangge pekuyau kendetnanga dua.

Matyu 11:27

Inikenga aminabam anzing ninikut, “Natane Nanata naniwan nata sanga kuupbamde toiknga dakngake yuat. Siwan naat gaat nana waaknga yuamak ngang nataamak. Natake yuwatda ngana keunenanata nindupa nana waaknga dakngake yuamayak ngang dua ninduaing. Nitdakan unzing nataamak. Natake ngana aminu kunduta Anutu anzing yuak ngang anggaman natapningge take natapit. Take natake yeuyama waakwakgakan atnatapning,” ngang ninikut.

Pas Polda Rom Nana Aminde Matayamukut San 11:34

Ngan. Asikaya sanga Anututa musiaatang nataak kaknga aminu tapatuta atnataak? Natake iat gatake yuke wamu yawat takakut? Wena siknga.

1 Korin 13:10

Ngana apmea sanga buya siknga akngata asaapik. Asapana sanga wa ninda kautdukan natake tasikamang kakngata wena binga siwik.

1 Korin 13:12

Siwan tapduu ayuamang komune ninu Anutue sanga anggaman siknga dua kaamang. Unzing aminda glas sandu take inane uyunga kake ngana ita nomna siknga dua kaak. Uyungakan kaak binga ninda buya siknga dua kaamang. Sike ngana apmea tapduknga sanga buya sikngata asapik gwene ninda anggaman siknga kanim. Siwan apmaau nata ie kautdukan nataat ngana apmea nata katak siknga ie natapit. Unzing Anututa natane sangae katak siknga nataak binga nata itane sangae natapit.

1 Korin 2:9

Ngana wamu takngatu Anutue wapatang ayanikapsa aminu tapatuta matakut taknga buya unin aakut. Wamu waaknga anzing matakut, “Sanga kainata dua kake gatu maakngita dua natake gatu musiaatang dua natapbing kakngae Anututa natake aminu inae musip gwaang natangamukaingge tandakngayamukut,” ngang matakut.

1 Korin 8:2

Sike aminu tapatuta ina na sanga tapatue gwa nataat ngang natapiu waapata sanga waakngae katak siknga dua nataak kapanin.

Efesas 3:8

Ngan. Nata aminu Anututane aminabam dakngake yuaingu kuupbamde natapa amin gwaang singgak. Siwan aminu waakwau kuupbamda na atnapbiking ngana Anututa puya nae namunangge na tapan nata itane kwiiknga dakngakum. Dakngake nata Jesue natake amin gwaang siknga apa ngang natake gatu ie akgatanimunanga apa ngang natake nata ginu Anutue dua natapbing aminde kukum. Kuke natdetdeu nata Jesue nataat takngae natake ginde danikapbum.

1 Jon 3:2

Ngan waatdakana. Ninda Anututane waaknga yapana dakngake yuamang. Sike tapduknga Jesuta gatu apik gwene ninda sanga akanim takngae ita dua apuwawan ninda botake yuamang. Ngana atnataamang. Ninda itane nomna kana ita yuak kakngakan dakngake unzing yutnim ngang natapna siakan singgak. Siwan ngana ita ninda unzing dakngake yutnim takngae dua yeutniman kakumang.