Gara Tiito'oo 2:2 - WAADAA LAMMATAA

² Manguddoonni ka adaba qaban, ka kabajjaa qaban. Ka uf qaban, jaalalaa fi amanta'aan jabaatanii sirrii akka ta'an gorsi.

Waadaa Haarawa

² umri'iin ka ufi durana deeman worri dhiiraa ka hagatti jiraatan, ulfinna isaanii worra eegan, ufi eeggatoota, amanti'ii fi jaalalaan obissaan'llee fayyaaleyyii akka ta'aniif isaan gorssi.

Kitaaba Woyyuu

² Manguddoonni ka adaba qaban, ka kabajjaa qaban, ka uf qaban, jaalalaa fi amanta'aan jabaatanii sirrii akka ta'an gorsi.

Gara Tiito'oo 2:2 ပူးပေါင်းရင်းမြစ်များ

Wongeela Maarqoos 5:15

Hennaa Yesuusiin bira gayan, namichi duula jinni'iitiin dhayamee ture sun, uffata uffatee, qalbiinillee deebiteefii ka taa'eeru arganii sodaatan.

Wongeela Luqaas 8:35

Namoonnillee bayanii waan ta'e san laalu'uuf hennaa gara Yesuusii dhufan. Namichi jinniin keessaa baye sun qalbiin deebiteefii uffata uffatee luka Yesuusii bira ka taa'eeru arganii isa sodaatan.

Hujii Ergamootaa 24:25

Innillee waan qulqullinnaa, waan mataa ufii tooyatu'uu, waan murtii dhufu'uuf jiruu dubbata'aa uduu jiru, Filiksi sodaatee, «Amma deemi; hennaa naa tole ergee si waamsisaa» jedhee deebise.

Gara Worra Rooma'aa 12:3

Akkasuma isin martinuu haga amantaa Rabbi isinii kenneetiin akka yaaddaniif malee, haga yaaduu barbaachisuu olitti uf jaju'uun waan keessaniif hin yaadinaa'a jedhee, badhaadha naa kennameen isinitti dubbadha.

1 Gara Worra Qorontoosii 15:34

Qajeellumma'aan damaqaa'a. Cubbuullee hin hujinaa'a; worri Rabbiin hin beenne waan jiraaniif, isin saalfachiisu'uuf kana jedha.

1 Gara Worra Qorontoosii 9:25

Ka wandhansa bayu maruu, waan maraanuu nafa ufii hin eeggata. Kunniin kennaa badu argachu'uuf, nu ammoo ka hin banne argachu'uuf.

2 Gara Worra Qorontoosii 5:13

Yoo maraannellee Rabbiif jenneeti. Worra qalbii qabu yoo taane isiniif jenneeti.

Gara Worra Galaatiyaa 5:23

Amantaa gara-laafumma'aa fi uf qabuu seerri waan akkanaa kanniin dhooggu hin jiru.

Gara Worra Filiphisiiyusii 4:8

Waan hafeen obboleeyyan tiyya, waan dhugaa ta'e maraa, waan ulfinna qabu maraa, waan qajeellummaa ta'e maraa, waan qulqulluu ta'u maraa, waan jaalala uf keessaa qabu maraa, ka oduu mishaa uf keessaa qabu maraa, waan mishaa ta'e ka galata qabu kanniin mara yaadaa'a.

1 Gara Worra Tasaloonqee 5:6

Eeganaa haa damandhuu; hagati haa jiraannuu malee, akka kaawwanii hin rafnu.

1 Gara Worra Tasaloonqee 5:8

Nu ammo worra ifaa waan taaneef, amanta'aa fi jaalala akka guloo sibiilaatitti uffannee hagati haa jiraanuu.

1 Gara Ximotewoosii 1:14

Badhaani worra Gooftaa keenna Yesuus Kiristoosiin keessa jiraniin amanta'aa fi jaalalli guddisee isaanii guddate.

1 Gara Ximotewoosii 1:2

Ka amanta'aan dhuga'aan ilma kiyya ta'e Ximootiwosiif: Rabbii Abbaa keennaa fi Gooftaa Yesuus Kiristoosiin irraa badhaani, dhiifamsaa fi nagaya sii haa kennu.

1 Gara Ximotewoosii 1:5

Raawwiin ajajaa ammoo, jaalala garaa qulqulluu keessaa, sammuu misha'aa fi amantaa uftuuluu hin qabne keessaa ka ol bayu.

1 Gara Ximotewoosii 3:11

Akkasuma dubartoonnii worra bilchaatan, worra nama hin hamanne, worra hagatti jiraatanii fi waan maraanuu worra amanaman haa ta'anii.

1 Gara Ximotewoosii 3:2

Eegasuu tooyataan, ka mudaa hin qabne, nama haadha manaa tokkotii qabu, ka uf qabuu fi ka hagatti jiraatu, ka akka barbaadamutti hojjatu, ka keessummaa simatu, ka barsiisuu danda'u,

1 Gara Ximotewoosii 3:4

nama maatii ufii sirri'itti bulfatu, nama ijoollee ulfinnaan isaa ajajamtu qabu ta'uu barbaachisa.

1 Gara Ximotewoosii 3:8

Akkasuma gargaartonni woldaa kiristaanaa [diyaaqonoonni] worra bilchaate, ka arraba lama hin dubbane, worra dhuddoo hin hawwine,

1 Gara Ximotewoosii 5:1

Jaarsa hin rifachiisin, isa akka abba'aatitti, Ka'imman ammoo akka obboleeyyaniititti.

Gara Tiito'oo 1:13

Ragaan kun dhuga'a; Sababa kanaaf mammaaka Yihuudotaatii fi ajaja worra dhugaa irraa fagaatanii akka hin caqafne worra amanta'aan fayye akka ta'an jabeessii isaan gorsi.

Gara Tiito'oo 1:8

Ka keessummaa simatu, ka waan mishaa ta'e jaalatu, ka uf eegu, qajeelaa, woyyu'uu fi ka uf qabu haa ta'uu.

Gara Tiito'oo 2:7

Namni nu mormu waan keenna waan badaa dubbatu yoo dhabe, akka saalfatu woma maraanuu waan mishaa godha'aa fakkeenna isaanii ta'i.

Gara Filiimona 1:9

Ani jaarsi Phaawuloos ammallee akkasuma Yesuus Kiristoosiif jedhee hidhame, jaalalaa fi jedhee si kadhadha.

1 Ergaa Phexiros 1:13

Kanaafuu waan gootan marattuu qalbii teessan qopheessaa'a; worra uf qabdan ta'aa'a; hagatti jiraadhaa'a. Badhaadha Gooftaan Yesuus hennaa mudhatu isinii kennu san abdii godhadhaa'a.

1 Ergaa Phexiros 4:7

Haata'uu ammoo dhumti waa maraatuu dhiyaateera. Kanaafuu akka nama sammuu qabuutitti yaadaa'a. Akka Rabbiin kadhatuu dandeettan hagatti jiraadhaa'a, uf qabaa'a.

1 Ergaa Phexiros 5:8

Diinni keessan daabiloos akka Leenca waan nyaatu soqa'aa asii achi naannaya'aa aaduu waan ta'eef, hagatti jiraadhaa'a, dammaqaa'a.

2 Ergaa Phexiros 1:6

Mishummaa irratti beekkomsa, beekkomsa irratti uf qabuu, uf qabuu irratti gadi dhaabachuu, gad-dhaabachuu irratti nama Rabbii fakkaachuu.