2 Ergaa Phexiros 1:4 - WAADAA LAMMATAA

⁴ Waan hawwii badumma'aa badii adunyaa tanaa jalaa baatanii, amala Rabbii worra qoodamu dubbii abdi'ii keessa akka taatan, abdii gudda'aa fi kabajjamaa kanniin nuu kenne.

Waadaa Haarawa

⁴ Ulfinnaa fi ulfinna arjjooma isaatiin gatii ka qabuu fi haalaan ol aanaa ka ta'e, abddii isaa arigannee jirra, karaa kanniiniitiin'llee isin sababa hawwii hama'aatiin balleessaa biyya lafaa kana irra jiru jalaa baatanii, qoodamtoota amala Waaqumma'aa taatanii jirttan.

Kitaaba Woyyuu

⁴ Waan hawwii badumma'aa badii adunyaa tanaa jalaa baatanii worra amala Rabbii qoodamu dubbii abdi'ii keessa akka taatan, abdii gudda'aa fi kabajjamaa kanniin nuu kenne.

2 Ergaa Phexiros 1:4 ပူးပေါင်းရင်းမြစ်များ

Gara Worra Rooma'aa 9:4

Isaan worra Israa'elii waan ta'aniif, ilmummaa, ulfinna, kaku'uunillee seeri kennamuun sirni mana woyyu'uu dubbiin abdi'iilee ka isaaniiti.

2 Gara Worra Qorontoosii 1:20

Abdiin dubbii ka Rabbi kenne maruu, «Ee» dubbi'iin isaan waan ta'eef, Kanaaf Rabbiif ulfinna isaatiif ka nu keessan dubbatu akkasuma «Amiiniin» isaan.

2 Gara Worra Qorontoosii 3:18

Kanaafuu nu martii keenna ulfinna Goofta'aa ka golga'aan hin golgamne afoo Goofta'aatitti akka uf arga'aa calalaqu'uun Gooftaa Ayyaana ta'e fakkaanna. Bifa ulfinna Goofta'aatiin ta'u'uu san fakkaannee ulfinnaa gara ulfinnaa jijjiiramna.

2 Gara Worra Qorontoosii 6:17

Kanaafuu Gooftaan, «Isaan keessaa bayaa'a gargar fooyamaa'a. waan battii hin tuqinaa'a. anillee isin simadha; abbaallee isinii ta'a. Isinillee ijoollee dhiiraatii fi ijoollee intalaa naa taattan jedha Gooftaan maraa bulchu.»

Gara Worra Galaatiyaa 3:16

Abrahaamiif fiixaa isaatiillee dubbii abdi'iititu himame. Barreeffamni Woyyuun, akka namoota hedduuf dubbatuuf, «Fiixaa» isaaniitiin hin jedhu, akka nama tokkotti dubbateetitti ammoo, «Fiixaa» keetiif jedha; innillee Kiristoos.

Gara Worra Galaatiyaa 6:8

Namni fedha fooniitiin faacaafatu fooniin badii haamata. Namni fedha Ayyaanaatiin facaafatu ammoo Ayyaanaan jireenna bara baraa haamata.

Gara Worra Qolasaayisii 3:10

Fakkeenna ka isa uumee akka fakkaatu, beekkomsa argachu'uun ka haarawoomfame, namummaa haarawaa uffattaniirtan.

Gara Ibirootaa 12:10

Isaan waan mishaa seeyanii hennaa diqqo'oof nu adaba'aa turan, Inni ammo woyyummaa isa irraa akka qoodamnuuf faayidaa keennaaf jedhee nu adaba.

Gara Ibirootaa 9:15

Kanaafuu worri waamaman abdii dhaala bara baraa kennameef san akka argataniif Kiristoos jiddu-galeessa waadaa haarawaa ta'e.

Ergaa Yaaqoob 1:27

Kaddaamuun qulqulluu ta'e, Rabbii Abbaa biratti ka mudaa hin qabne kana. Ijoollee abbaa haadha hin qabnee fi dubartoota abbaan manaa irraa du'e gargaara'aa hamaa biyya lafaa irraa uf eeggachu'u.

2 Ergaa Phexiros 1:1

Ana Simoon Pheexroos ka ergama'aa fi garbicha Yesuus Kiristoosii ta'e irraa, worra karaa qajeellummaa Waaqa keennaatii fi fayyisaa keenna Yesuus Kiristoosiititti amananiif;

2 Ergaa Phexiros 3:13

Haata'uu ammoo samii haarawaa fi ardii haarawa qajeellumma'aan akka dubbii abdi'ii kennameetitti eegganna.

2 Ergaa Phexiros 3:9

Akka namoonni gariin waan turu seeyan Gooftaan waan waadaa gale saniif hin turu. Haata'uu ammoo namni maruu akka aagii galuuf malee, eennullee akka hin banneef jedhee waan keessaniif obsa.

1 Ergaa Yohaannis 2:25

Abdiin inni nuu kenne kunillee jireenna bara baraati.

1 Ergaa Yohaannis 3:2

Goshoota tiyya, amma nu'u ijoollee Rabbiiti uf afoo maal akka taanu hin beekkamne. Haata'uu ammoo hennaa inni deebi'ee dhufu akkuma jiruun akka isa fakkaannu hin beenna.