1 Gara Worra Tasaloonqee 4:10 - WAADAA LAMMATAA

^10-12 Akkasumallee Obboleeyyan Maqedooniyaa keessa jiran maraaf waan gootaniif. Haata'uu ammoo Obboleeyyan tiyya, ka duraa caalaa akka baayi'attan cadheensaanillee akka jiraattan, akka hinaaftan, waan keessan irrattillee akka uf eeddan, akkuma nu isin ajanye, worra hin amanne jiddu'utti, haalaan akka jiraattan, waan isiniif barbaachisuufillee harka namaa irraa akka hin eegganne, harka keessaniin akka hojjattaniif isin kadhanna.

Waadaa Haarawa

¹⁰ Obboleeyyan Maqedooniyaa guutuu keessa jiran maraa ni jaalattan, ta'u'llee yaa obboleeyyan, amma ka isin gorssinu caala'atti akka jaalattaniif.

Kitaaba Woyyuu

^10-12 Akkasumallee Obboleeyyan Maqedooniyaa keessa jiran maraaf waan gootaniif. Haa ta'uu ammo obboleeyyan tiyya! ka duraa caalaa akka baay'attan, cadheensaanillee akka jiraattan, akka hinaaftan, waan keessan irrattillee akka uf eeddan, akkuma nu isin ajanye worra hin amanne jiddu'utti haalaan akka jiraattan, waan isiniif barbaachisuufillee harka namaa irraa akka hin eegganne harka keessaniin akka hojjattaniif isin kadhanna.

1 Gara Worra Tasaloonqee 4:10 ပူးပေါင်းရင်းမြစ်များ

Gara Worra Filiphisiiyusii 1:9

Ulfinnaa fi galanni Rabbiif, daraaraan qajeellumma'aa ka Yesuus Kiristoosiin irraa argamu isin keessa guutee, guyyaa gaafa Kiristoos dhufuutitti qophooftanii, qajeellootaa fi mudaa malee akka taataniif waan mishaa qorattanii akka jaalattan, jaalalti teessan beekkomsaa fi hubannaa maraan ka duraa caalaa guddatee akka badhatu ani kana isinii kadhadha.

1 Gara Worra Tasaloonqee 3:12

Gooftaan keenna Yesuus Kiristoos woyyoota maraa woliin hennaa dhufu, afoo Waaqa Abbaa keennaa, woyyootaa fi worra mudaa hin qabne isin taasisee, onnee keessan akka dhaabu akkuma nullee isinii taane Goofta'aan waan wolii qabnu jaalala maraafuu ta'uun isinii haa guddisu, haa eda'ullee.

2 Gara Worra Tasaloonqee 1:3

Obboleeyyan tiyya! Hennaa maraa waan keessaniif Rabbiin galateeffachuu nu barbaachisa; amantaan keessan guddisee guddata'aa, jaalalti isin wolii qabdanillee ittuma eda'a'aa waan deema'aaruuf, galateeffachuun keenna sirri'i.

1 Gara Worra Tasaloonqee 1:7

Kanaafuu amantoota Maqedooniya'aa fi Akaayiyaa jiran maraafuu fakkeenna isaanii taataniirtan.

2 Ergaa Phexiros 3:18

Badhaadhumma'aa fi beekkomsa Gooftaa keennaa Yesuus Kiristoosiitiin guddadhaa'a. Isaaf ammallee baraa haga bara baraa ulfinni haa ta'u! Amiin.

1 Gara Worra Tasaloonqee 4:1

Eeganaa waan hafeen obboleeyyan tiyya, attamitti akka jiraattaniif, Rabbiinillee gammachiisuu attamitti akka dandeettan, nurraa akka barattan, isinillee akkasumatti akka jiraattan ka duraa caalaa akka baayi'attan maqaa Gooftaa Yesuus Kiristoosiitiin isin kadhanna, isin gorsinalle'e.

Gara Worra Efesoonii 1:15

Kanaafuu anillee akkasuma isin biratti waan ta'uuf waan Gooftaa Yesuus Kiristoositti amanu'uutiif jaalala isin woyyoota maraaf qabdan dhagayee,

Gara Worra Rooma'aa 15:26

Maqidooniya'aa fi Akkayaan, Yerusaalemitti hiyyeeyyota woyyoota jidduu jiran gargaaruu waan murteeffataniif.

2 Gara Worra Tasaloonqee 3:4

Waan isin ajanyu amma akka gootan, duranaallee akkasuma akka gootan, waan keessaniif Gooftaa hedanneerra.