1 Ergaa Yohaannis 4:4 - WAADAA LAMMATAA

⁴ Ijoollee tiyya, isin Rabbiin woliin jirtan injifataniirtanille'e, ka isin keessa jiru, ka adunyaa keessa jiru waan caaluuf.

Waadaa Haarawa

⁴ Yaa ijoolle! isin ka Waaqaati, Hafuurri isin keessa jiru biyya lafaa keessa hafuura jiru ni caala. Kanaaf nabiyyoota dharaa injifattanii jirttan.

Kitaaba Woyyuu

⁴ Ijoollee tiyya! isin Rabbiin woliin jirtan; injifattaniirtanille'e, ka isin keessa jiru, ka adunyaa keessa jiru waan caaluuf.

1 Ergaa Yohaannis 4:4 ပူးပေါင်းရင်းမြစ်များ

Wongeela Yohaannis 12:31

Murtiin adunyaa tanaa amma gayeera, amma bulchaan adunyaa tanaa gara alaa gatama.

Wongeela Yohaannis 14:30

Ammaa achi isin woliin waan heddu hin qaaqu, bulchaan adunyaa tanaa waan dhufuuf, inni na irraa waan tokko hin qabu.

Wongeela Yohaannis 16:11

Waan murti'iitiif ammo bulchaa adunyaa tanaatitti duraanuu murteefameera.

Gara Worra Rooma'aa 8:31

Eegasuu waan kanaaf maal jenna? Rabbi yoo nu woliin ta'e, eentu nu mormaa?

Gara Worra Rooma'aa 8:37

Kana maraa keessatti ammoo ka nu jaalate saniin mooyattoota hin caalla.

1 Gara Worra Qorontoosii 2:12

Nu ammoo waan Rabbiin irraa akkanumaan nuu kenname akka beenuuf, Ayyaana Rabbiin irraa ta'e fudhanne malee, Ayyaana adunyaa tanaa hin fudhanne.

1 Gara Worra Qorontoosii 6:13

Rabbi ammo kanallee sanillee hin balleessa. Nafti keenna Gooftaa tajaajilu'uuf Gooftaanillee nafa kunuunsu'uuf malee, ittiin seebaruu hin barbaachisu.

2 Gara Worra Qorontoosii 4:4

Isaaniifillee ka fakkeenna Rabbii ta'e, ifni ulfinna Oduu Nagayaa ka Kiristoosii akka isaanii hin ifine, waaqa adunyaa tanaa ka ta'e seexannii qalbii worra hin amannee jaamse.

2 Gara Worra Qorontoosii 6:16

Manni Rabbii woyyuun, waaqa tolfamaa woliin firooma maal qaba? «Nu mana woyyuu Rabbii jiraata'aa waan taaneef, akkasuma Rabbi akkana jedhee dubbate; Ani isaan keessa jiraadha, isaan wodhakkaa deddeebi'a; Waaqallee isaanii ta'a. isaanillee banii kiyya ta'an»

Gara Worra Efesoonii 3:17

Kiristoosillee amanta'aan garaa keessan keessa akka jiraatu, akka durummaa Ayyaana isaatitti isinii haa keennu.

Gara Worra Efesoonii 6:10

Waan hafeen worra dandeetti'iif jabeenna Goofta'aatiin jabaadhaa'a.

1 Ergaa Yohaannis 2:1

Ijoollee tiyya, wonti kana isinii barreessuuf akka cubbuu hin hojjanneef, eennullee yoo cubbuu huje, Aabbaan biraa wobii qabna. Innillee Yesuus Kiristoosii qajeela'a.

1 Ergaa Yohaannis 2:13

Abbootii tiyya, waan ka dura jiru beettaniif isinii barreessa. Ka'imman, waan hamaa waan mooyattaniif isinii barreessa. Ijoollee, waan Aabbaan beettaniirtaniif isinii barreessa.

1 Ergaa Yohaannis 3:24

Ka ajaja isaa eegu maruu, isaan jiraata. Innillee isaan keessa jiraata, akkaataa kanaan akka nu keessa jiru Ayyaana isaa ka inni nuu kenneen beenna.

1 Ergaa Yohaannis 4:13

Ayyaana ufii irraa waan nuu kenneef, nu akka isa keessa jiraannuuf innillee akka nu keessa jiraatu kanaan beenna.

1 Ergaa Yohaannis 4:16

Nullee jaalala Rabbi nuu qabu beenneerra. Amanneerralle'e. Rabbi jaalala; ka jaalalaan jiraatu Rabbiin keessa jiraata, Rabbillee isa keessa jiraata.

1 Ergaa Yohaannis 4:6

Nu ka Rabbiiti, ka Rabbiin beeku, nu dhagaya, namni nama Rabbii hin taane nu hin dhagayu, Ayyaana dhuga'aatii fi Ayyaana sobaa kanaan adda baafanna.

1 Ergaa Yohaannis 5:19

Nu ijoollee Rabbii akka taaneef, adunyaan martuu hunna hamaa san jala akka jirtu hin beenna.

1 Ergaa Yohaannis 5:4

Ka Rabbiin irraa dhalate maruu, adunyaa hin injifata, adunyaallee ka injifatu amantii keenna.

Mudhata Yohaannisii 12:11

Isaan, dhiiga hoola'aatii fi sababaa dubbii ragaa isaaniitiin mooyataniin; isaan lubbuu isaanii haga du'aa ufirraa bayan.