Matthaiga 3:2 - Winnebego Bible Portions 1907

² Egi wena: Najgerakarategwire, wangregi hung‐mara jiginige esge.

Matthaiga 3:2 ပူးပေါင်းရင်းမြစ်များ

Matthaiga 10:7

Egi sharawigi, wahokhuwiaje, wawiaje: Hung‐ma wangregi herera hiwusunsh jina.

Matthaiga 11:20

Egi jhinagnanka najwawisgi‐jirena, eja wore rokanaxji hiraijeraxji wagiura egi inke najgerakarateg‐hiranige esge.

Matthaiga 12:41

Niniweh wankshigra hamb woehieja wankshighoi de‐e wakishu nashinekjanena egi washoshishig howewahirekjanena, Jona wahokhura najgera‐karateghirege esge, egi horuxujwire eegi hiraijera xeteisha jena, Jona worujisshana.

Matthaiga 13:11

Horniharna egi wawagena: Hornikunawina hungma wangregi hereja washa nuxawara hiperes‐ninawige, eshi de‐e inke wawogairanina.

Matthaiga 13:24

Egi washinsgera hijaneisha wawogiragshana, wena: Hung‐ma wangregi herera wangisha hisgerana, e su phira max‐earnieja woshurna.

Matthaiga 13:31

Egi washinsgera hijaneisha wawogiragshana, wena: Hung‐ma wangregi herera mustard su hisha hikisgena, e wangra hisha rusanaga egi max‐earnieja hoshunana.

Matthaiga 13:33

Washinsgera hijaneisha wawogiragshana, hung‐ma wangregi herera winawohi hikisgena, e hinugra hisha rusanaga egi waisgabra wigus danigi eja hirokishunana, hahiharnaj nawornana.

Matthaiga 13:47

Egi shige hung‐ma wangregi herera hoigixeisha tejainja hot’unairanaga egi hokirajra waixe hikisgena.

Matthaiga 13:52

Egi wawagena: Esge wawagax‐hiperesra jarnaga hung‐ma wangregi herera wagigus‐hiregi, wanghisha jhirukana hikisgarnana, e rujgusgi washara warusnana jegra egi shagra.

Matthaiga 18:23

Esge hungma wangregi herera hung hisha hikisgena e ware warnira wowagaxra wagirussana.

Matthaiga 20:1

Egi hungma wangregi herera wankshig jhirukana hikisgena, e haiuixjinig ware wa’shirena habsinsh max harnineja warera warairekjege.

Matthaiga 22:2

Hungma wangregi herera hung hisha ejanak hikisgena, e hinigra hinug‐khanag‐gigina.

Matthaiga 23:13

Eshi harawekjanihawina wowagax‐hiperesra egi Pharisera, hipokrit raniwina. Wankshinagre hungma wangregi herera wornaragissawina, ne inke hijora‐kawawini‐anaga egi shige jarnaga hijokewe‐naiankhi inke waragish’uwinina.

Matthaiga 25:1

Egi shejanagi hungma wangregi herera hinugwajegra kerepanaisha hikisgekjanena, e hiratasha‐kerehira wakurus‐hiranaga egi hinug‐kanaikjanega hirakjambharairena.

Matthaiga 25:14

Egi hungma wangregi herera wang‐hisha ma‐harixji hikiwarare hikisgena, e ware warnira wakaragigo‐arnaga egi washa warnira harniu‐wagigina.

Matthaiga 4:17

Epa Jesus wahokhunjirena egi wena: Najgerakarategwire hung‐ma wangregi herera hiwusunsh jina.

Matthaiga 4:23

Egi Jesus Galilea mara harnaj howena wohokhuhojhi warnineja washa wagigus, egi hung‐ma woragphira wihokhunjena, egi howashara harnaj egi ro‐tegra harnaj rushja‐wahina wankshignanka horogeja.

Matthaiga 5:10

Wogishawarnankshana jarnaga washophi hawau wawigishananankhi, hungma wangregi herera earninekjanege.

Matthaiga 5:3

Wogishawarnankshana naxirag wanajojaisgera, hungma wangregi herera earninege.

Matthaiga 6:10

Hungma hashinira hiraijikjawina, woshga hashinira manegi uinekjena wangregi jasge hinankhi shesge manegi hirekjena.

Matthaiga 6:33

Eshi jorni Maura hungma‐harnira ruxurug‐naixjiwine egi washa de‐e harnaj hijornigishu‐kjanihawina.

Markga 1:15

Egi wena: Hereginina egi Maura hungma harnira hiwusunsh jina, najgera‐karategwire, egi woragphira harnaxguwine.

Markga 1:4

Johnga mojainainja niwawaxunjena, niwawaxu wihokhujena najgera‐karateghiregi washa woishanara wagit’unainekjanena.

Markga 6:12

Egi harairena, egi wahokhuinena wankshigra najgerakarateghirekjege.

Lukga 1:16

Egi Israel ninkjangra roha hakja Hirukanara eowakere‐wahikjanena Mau harnineja.

Lukga 11:20

Eshi Maura nab harnieja hauanjena waxopinishishig jangra hopahas‐hajane, hisgexji Maura hungma harnira hiranijiwina.

Lukga 13:3

Inka‐a hornigitagwina, eshi inke najgera rakarategwinigi, hishge harnaj shesge shjekjanihawina.

Lukga 13:5

Inka‐a hornigitagwina, eshi inke najgera rakarategwinigi, hishge harnaj shesge shjekjanihawina.

Lukga 15:10

Esge wanigawina: Eja wogishawarnankshana waxopiniwarajirera Maura jowehieja, washa woishana ura hisha najgerakarateka.

Lukga 15:7

Hinigawina, shesgarnakshana wangregi herera hiraijera wogishawarnankshana washa woishana ura hisha najgerakarateka, kerepana‐hishankijushgunianaga‐hishankijushguni‐hashana wankshig phira e inke washa woishanana najgerakarategra hiuninanka she‐e worujis hiranana.

Lukga 16:30

Egi wena: Inke shesgarnina, jaji Abraham, eshi hisha d’arnagre egi howagigi, washa woishana najgerawakarateg hiranana.

Lukga 21:31

Nishge she‐nisgekjanihawina jaja washa de‐e here hashjawigi, hipereswiaje Maura hungma harnira hiwusunsh harera.

Lukga 24:47

Egi washa woishana u najgekarategra, egi washa woishana u wagit’une rash earnira wihokhuinegi phinana, wankshighokiraj horogeja, Jerusalem‐eja jorni uinekjanena.

Lukga 6:20

Egi hironagananka wokuruxujshana egi wena: Wogishawaxjira neninewina wanajojaisgera, Maura hungma harnira neashiniwinge esge.

Lukga 9:2

Egi Maura hungma harnira wihokhu rewagigina, egi howashara rushjawahi.

Hoixgara 11:18

Jaja washa de‐e naxguinegi inke xab‐hiranina, egi Maura rajankhirena, wairena: Egi hisgexji hirarujeregi herera hishge washa woishana najgekarateg egi wankshighoi Maura wogagaja.

Hoixgara 17:30

Egi inke hiperesni waura de‐e, Maura inke wajarni kikuna, eshi shegunegi wankshigra higu hajinja herera najgerakarateg wa’shina.

Hoixgara 2:38

Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.

Hoixgara 20:21

Wa’howakhuna Judra egi shige Hellenistra Maura eja hapahi najgera karateg hirekjege egi Hirukana harniwira Jesus Kristus harnaxgu hirekjege.

Hoixgara 26:20

Eshi jorni Damaskus‐eja unangra wawagitagshana egi Jerusalem‐eja, egi Judra mowagaxra harnaj egi hirarujeja herera wawagitagshana, najgerakarateg hirarnaga egi Maura hawakshainekjege egi najge‐karateg woshga uinekjege.

Hoixgara 3:19

Esge najgera‐karategwire, egi wakshawine, washa woishana washiniwira wanigit‐’unekjawina, niambwahira Hirukanara hishjahieja howajikjanena.