Matthaiga 2:4 - Winnebego Bible Portions 1907

⁴ Egi jaja stowahigi nabhoruxaj‐hirukana‐hungra harnaj, egi wowagax‐hiperesra wankshig‐ejananka stowahina, wawigiwaxshana hajinja Kristus jhuinekjanegi.

Matthaiga 2:4 ပူးပေါင်းရင်းမြစ်များ

Matthaiga 13:52

Egi wawagena: Esge wawagax‐hiperesra jarnaga hung‐ma wangregi herera wagigus‐hiregi, wanghisha jhirukana hikisgarnana, e rujgusgi washara warusnana jegra egi shagra.

Matthaiga 2:3

Jaja Herodes hungra washa de‐e naxgungi, najge wojijinakshana, egi Jerusalem harnaj wakishu.

Matthaiga 2:5

Egi wagairena, Bethlehem Judea moagaxeja, shesge prophetra wagaxhirena:

Matthaiga 21:15

Egi jaja nabhoruxaj‐hirukana hungra egi wowagaxhiperesra washa wowakanjank unga wajairegi egi ninkjangnigra e wohokhuhojhixeteja uwanankhi egi wairena: Hosanna Dawid hinigra giuinena, mashja inke giphihiranina,

Matthaiga 21:23

Egi jaja wohokhu‐hojhixeteja hokewegi egi washa wagigus‐jau nabhoruxaj hirukana hungra egi wankshigra xete warninera hirajirena, egi wairena: Homashja jaguisha hiu washa de‐e sh’ushe egi homashja de‐e peshe hornik’ushe?

Matthaiga 26:3

Egi nab‐horuxaj hirukana hungra egi wowagax‐hiperesra egi wankshigra xete warninera nab‐horuxaj hirukana hungra Kaiaphas higairera jhixete‐hojhieja stoirena.

Matthaiga 26:47

Egi hit’at’ajau, horuxujre, Judas jina nup‐hashanara hisha herera egi hornihexetexji hakishu jina, wigijgux egi wiwapox harni, nabhoruxaj hirukana hungra egi wankshigra xete warninera e huwagigire.

Matthaiga 27:1

Jaja haini hakirigi nabhoruxaj hirukana hungra egi wankshigra xete warninera harnaj Jesus haehirena, d’ehirekjege.

Matthaiga 7:29

Washa wagigusra hisha homashja hani hikisge wena, egi inke wowagax hiperesra hikisgarnina.

Markga 8:31

Egi washa wagigus‐jirena, Wankshig‐hinigra jasgegi washara roha hawekjanena, egi xetera egi nabhoruxaj hirukana hungra egi wowagax‐hiperesra wajis‐hirekjanegi, egi d’ehirekjanegi egi hamb hitanihainja niaimbkjanena.

Lukga 20:19

Egi nabhoruxaj hirukana hungra egi wowagax hiperesra howagix eja harukos‐nainena, egi wankshigra warnakawairena, hiperes‐hirena washinsgera de‐e wawirokit’are ewawagewege esge:

Lukga 23:10

Egi nabhoruxaj hirukana hungra egi wowagax hiperesra nashinena egi washinarajera rokana wagairena.

Johnga 18:3

Egi Judas manape hornihesha rus‐arnaga egi nabhoruxaj hirukana hungra egi Pharisera ware warninera hajirena hiratashakerehi‐rua egi hatasha harni egi wapahi harni.

Johnga 3:10

Jesus horniharna egi wagena: Israel wawagaxhajawagigi hung ranigaja egi washa de‐e inke wiraperesnishe?

Johnga 7:32

Jaja Pharisera naxguinegi wankshigra washa deshesge E haehinankhi, Pharisera egi nabhoruxaj hirukana hungra ware warninera rewagigirena harukos‐hirekjege.

Johnga 8:3

Egi wowagax hiperesra egi Pharisera hinugisha hagarni hahirena, hinugjega washa wowonk‐uanku harukos‐hirege, egi jaja hokissageja kereregi,

Hoixgara 23:9

Egi woxera rokana hirena. Egi wowagax hiperes Pharise eja herera nashinena egi wakitag‐hirena, wairena: Wang de‐e inke washinohire hiagiewinina. Egi naxiragra hisha nigeshge waxopiniwarajire hokit’arnanki, inke Maura hinkissarnikjawina.

Hoixgara 4:5

Egi herena haininegi, washirukana warninera, egi xetera egi wowagax hiperesra,

Hoixgara 6:12

Egi wankshigra puruna‐wahirena egi xetera, egi wowagax hiperesra, egi hirahirena egi harukos‐hirena egi woehieja harniakirirena,