Matthaiga 2:2 - Winnebego Bible Portions 1907

² Wairena: Judra hung harninera hojishana wankshigingi hajinjanankshe? Wiragoshge earnira hajhawina wiaxebhuregi, egi hagikaraj hajiwina.

Matthaiga 2:2 ပူးပေါင်းရင်းမြစ်များ

Matthaiga 2:3

Jaja Herodes hungra washa de‐e naxgungi, najge wojijinakshana, egi Jerusalem harnaj wakishu.

Matthaiga 21:5

Sion hinugra hogiragwire; horuxujre, hung hashinira hiranihina najgera shawa egi shungxetenajawaxete haminagshana, harexirighisha, wanoijge‐wakingigireisha hinigra herena.

Matthaiga 27:11

Egi Jesus mowagax hirukana joweja nashina. Egi mowagax hirukanajega wigiwaxshana wena: Judra hung harninera nenineshe? Egi Jesus wagena: Hisharajane shesgajena.

Lukga 19:38

Wairena: Phingigiwire hungra, Hirukanara rash harnira hiunjina, wangregi rashgunira, egi rajanghirera wangregi herera.

Lukga 2:11

Dawid jhinag harninegi hamb de‐e wankshig‐hoi ruxurughisha wankshigningi‐iwina Kristus Hirukanara erena.

Lukga 23:3

Egi Pilatus higiwaxshana wena: Judra hung harninera nenineshe? Egi hornigiharna wena: Shesge hishegaja.

Lukga 23:38

Egi wowagaxra hija wangeja giwagax t’umbhirena Hellenitra egi Romanra egi Hebraira hoit’e wagiuinena, de‐e Judra hung harninera herena.

Johnga 1:49

Nathanael horniharna egi wagena: Rabbi, Maura Hinigra neninegaja, Israel hung harninera neninegaja.

Johnga 12:13

Palm‐akarajge rus‐hiranaga, egi hikipa hahirena, egi wairena: Hosanna, Rajangwire Israel Hungra, Hirukanara rash harnira harnijina.

Johnga 18:37

Esge Pilatus wagena: Hung ranishgunishe? Jesus horniharna. Hisgewa’shena hung harnina. Deshesge wankshigha‐ina, egi deshesge hawau manegi hajina, wogisogra hotaikjege. Jarnaga wogisogkhishi hora naixguinena.

Johnga 19:19

Egi Pilatus horagra wagaxshana, naramihe hihageja t’umpshana, egi wagaxra de‐erena: Jesus Nasaretheja herera, Judra hung harninera.

Johnga 20:28

Egi Thomas horniharna egi wagena: Hirukana harnira egi Mau harnira.

Johnga 5:23

Wankshigra harnaj Hinigra gish’aghirekjanena, Hianjihiwira hoish’agra hikisgekjanena. Hisha Hinigra inke gish’agenigi, Hianjihiwira inke gish’aginikjanena, E hugigina.

Johnga 9:38

Egi wena: Hirukanara harnaxguna, egi gikarajshana.