Matthaiga 10:4 - Winnebego Bible Portions 1907

⁴ Simon Kanaan wankshig‐hisha, egi Judas Iskariot e himanagshana.

Matthaiga 10:4 ပူးပေါင်းရင်းမြစ်များ

Matthaiga 26:14

Egi nup‐hashanananka hisha Judas Iskariot higairera, nab‐horuxaj hirukana hungra wirahina,

Matthaiga 26:15

Egi wawagena: Jagu hunak’uwinashe, himanigitagwigi? Egi shurasgara kerapana‐dani hok’uinekje higairena.

Matthaiga 26:2

Hirapereswina nupahangi Pasxa worujra herekjanera, egi Wankshig‐hinigra himarag‐hirekjanena naramiheja haisarajhirekjege.

Matthaiga 26:47

Egi hit’at’ajau, horuxujre, Judas jina nup‐hashanara hisha herera egi hornihexetexji hakishu jina, wigijgux egi wiwapox harni, nabhoruxaj hirukana hungra egi wankshigra xete warninera e huwagigire.

Matthaiga 27:3

Egi Judas, e himanagra, jaja Jesus d’ehirekjanera hajagi, najgerakarategshana, egi shura‐sgara kerepanadanianka nabhoruxaj hirukana hungnanka egi xetenanka wagarnijina.

Markga 14:10

Egi Judas Iskariot, nup‐hashanara hisha herera, nabhoruxaj‐hirukana hung‐eja howarena, wawimangiraikjege.

Markga 14:43

Egi hit’at’ajau higuana Judas jina nup‐hashanara hisha herena egi hornihe xetexji hakishu, wigijgux egi wiwapox harni, nabhoruxaj hirukana hungeja egi wowagax‐hipereseja egi xeteja howajirena.

Lukga 22:3

Egi Judas rash hinubra Iskariot higairera, nuphashanara e hisha herera Satan hokawairena,

Lukga 22:47

Egi higu hit’at’ajau, horuxujre worohaxji jina, egi Judas higairera nuphashanara eisha herera jowehireja uankshana. Egi Jesus hirajiarnaga iokiwankshana.

Johnga 13:2

Egi hoxjarna woruj horushjainja, waxopinishishigra Judas Iskariot Simon hinigra najgeja howairegigirena higuana himanaikjege.

Johnga 6:64

Eshi hota inke harnanaxguwinina, Jesus hiperesjena jeg‐hojikerejareja peshe inke harnaxgunikjanera egi peshe himanaikjanera.

Johnga 6:71

Judas Iskariot, Simon hinigra ewagena, erena himanaikjanera, nup‐hashanara esherena.

Hoixgara 1:13

Egi jaja hoikawairegi, jhiwangeja hahirena, eja hiwushairena Peter egi Jakob egi John egi Andreas, Philip egi Thomas, Bartholomeus egi Mattheus, Jakob Alpheus hinigra egi Simon Selotes egi Judas Jakob khinubra.

Hoixgara 1:25

E wore de‐e nige unkjena egi Apostelkjena, Judas e gixagaja, e mojabeja howakerekjena.