Matthaiga 10:3 - Winnebego Bible Portions 1907

³ Philip egi Bartholome, Thomas egi Matthai publikan hisha herena. Egi Alphe hinigra Jakob, egi Labbe e rash hinup harnira Thadde higairena.

Matthaiga 10:3 ပူးပေါင်းရင်းမြစ်များ

Matthaiga 18:17

Egi inke warnaxgunigi wohokhu‐hojhieja horagaje, egi shige inke wohokhu‐hojhieja herera warnaxgunigi hirarujeja here hikisgehiaje egi Publikanra.

Matthaiga 27:56

Hisha Maria Magdalena herena, egi Jakob egi Joses hiunihirera Maria, egi Sebedai ninkjang warnira hiunihirera.

Matthaiga 9:9

Egi Jesus eja ranaga rahau wang hisha hajarna, Matthai higairera, woirowe rus minagnank’u, egi wagena: Hiroinagre. Egi nashianaga egi hironagshana.

Markga 15:40

Egi eja hinugra hishge hari horuxuj‐nankshana, horogeja de‐e hijarnankshana Maria Magdalena, egi Jakob xunura egi Joses hiunihirera Maria, egi Salome.

Markga 2:14

Egi e‐hahiowegaja, Lewi hajarna, Alpheus hinigra, woirowe horuseja minaganankshana, egi wagena: Hiroinagre. Egi nashianaga egi hironagshana.

Markga 3:18

Egi Andreas egi Philip egi Bartholomea egi Matthaiga egi Thomas, egi Alpheus hinigra Jakob, egi Thaddeus, egi Simon Kanaan‐eja hereisha,

Lukga 18:10

Wankshigra nupiwi wohokhu‐hojhixetera howarairena, Maura gikaraj. Hisha Phariseisha herena egi hijanejega Publikan hisha herena.

Lukga 18:11

Pharisera nashina egi gikarajshana inekhi wakigena: Maura wainiginabshana inke wankshig hijanenagra hiaki‐garnira wankshigt’ehikera, wowongra, hinug‐hikshakshakera, egi Publikan de‐e hiakisgarnira.

Lukga 18:13

Egi Publikanra hirohari nashina, inke wangregi horuxuj rareshge unina, eshi mangra hokarajina, wena: Maura najungijane washa woishana u harnina.

Lukga 19:2

Egi horuxujre, wangisha eja jena, Saxeus higairena, e Publikanra hungra herena egi hitajena.

Lukga 5:27

Egi washa de‐e hageja nigeowarena, egi Publikanraisha hajarna, Lewi higairena, woirowe horus‐hojhieja nakshana, egi wagena: Hiroinagre.

Johnga 1:48

Nathanael wena: Jasge hinaperes‐she? Jesus horniharna egi wagena: Kheni Philipga nigigorni, Fig‐najera khuhainja shu‐shawangreja harnijharna.

Johnga 11:16

Egi Thomas Didimus higairera, wironag wakishura wawagena: Nishge hinekjawina E hakishu hintekjawina.

Johnga 14:22

Judas wagena, inke Iskariot warnina: Hirukanara jasgegaja hinagikikawahakjanihawishe, egi manegi herera inke waragikikawaharni?

Johnga 14:5

Thomasga wena: Hirukanara, inke hiapereswinina hajinja horawasherekjanegi, egi jasge hawianaga nagura hiapereskjanihawishe?

Johnga 14:9

Jesus wagena: Hoja, sixji harnikishu hauwingaja, egi kheni hinaperesnishe? Philipra, hisha hinjagishi, Hianjihiwira hajawaunana. Jagu‐u wa’sheshe Hianjihiwira hingiwahawire?

Johnga 21:2

Eja stoirena Simon Peter egi Thomas Didimus hagairera egi Nathanael Kana heresha Galilea mowagaxeja, egi Sebedai hinigwahira egi wironag hijanera nupiwi.

Hoixgara 1:13

Egi jaja hoikawairegi, jhiwangeja hahirena, eja hiwushairena Peter egi Jakob egi John egi Andreas, Philip egi Thomas, Bartholomeus egi Mattheus, Jakob Alpheus hinigra egi Simon Selotes egi Judas Jakob khinubra.

Hoixgara 12:17

Egi Peter nab hiuanaga wawigigus‐shana xapguni hirekjege, egi wawogiragshana Hirukanara jasgehianaga jhi‐wornasse hojhieja harni‐hihinabra. Egi wena: Rawige egi washa de‐e Jakobga hogiragwire, egi hiwakhinubwira. Egi wakirujena egi mainjahi howarena.

Hoixgara 15:13

Egi rashjainegi hageja Jakobga horniharna wena: Wangra egi hikhinubwira, harnaigixguwine:

Hoixgara 21:18

Egi haininegi Paulus Jakobga‐eja hinkishu hiwina, egi xetera harnaj hijarnankshana.