Markga 2:20 - Winnebego Bible Portions 1907

²⁰ Eshi hambra hajiregi, eja hinug‐khanaikjanega wagirus‐hirekjanena, egi hambanaka eja hantaginaj‐hirekjanena.

Markga 2:20 ပူးပေါင်းရင်းမြစ်များ

Matthaiga 26:31

Egi Jesus wawagena: Hahe de‐e harnaj watoiragixikjanihawina deshesge wagaxankshana: Jhasga hirakarara wajinkjanena egi jhasga hornihera mokhiekjanena.

Matthaiga 9:15

Egi Jesus wawagena: Jasge khikanag houeja warujshirawigi najgeteg‐nangnashe jajaixji hipa hinugkhanaikjanega wakishu unjegi? Eshi hambra hajirekjanena, jaja hinugkhanaikjanega wagirus‐hiregi egi hantaginajhirekjanena.

Markga 2:19

Egi Jesus wawagena: Jasge‐hiranaga khikanaghoueja hahiregi hantaginaj hiranashe, jajaixji hinug‐khanaikjanega wakishu unjegi? Jajaixji hinug‐khanaikjanega wakishu unankhi, inke hantaginaj ruxurug hiraninana.

Markga 2:21

Inke wankshigra hisha wonashi jegeja nige rusanaga wonashi sh’ageja hirarujag‐ninana, jegnanka rukixanaga shaganaka rugasnage esge, egi hopoxra hiraijera hinana.

Lukga 17:22

Egi hironaghirera wawagena: Hambra jikjanegi, eja Wankshig‐hinigra hamb warnira hisha haja roragukjanihawina, egi inke hashjarnikjanihawina.

Lukga 5:35

Eshi hambra hajiregi, eja hinug‐khanaikjanega wagirus‐hirekjanena, egi hambanaka eja hantaginaj hirekjanena.

Johnga 12:8

Wanajojaisgera hoishib harnikishu unakaja, eshi ne inke hoishib hinakishu sh’unikjanihawina.

Johnga 13:33

Ninkjang xununigwira, jowexjinig harnikishu hauanjena, hurnanikjanihawina, egi Judra wawagarnihera hikisge, hajinja wawategi inke hi‐shuruxurugnikjanihawina, de‐shegunegi shesge hinigawina.

Johnga 16:28

Hianjihiwira eja hurna, egi manegi hajina, egi shige managre hat’untekjanena egi Hianjihiwira eja wawakerekjanena.

Johnga 16:7

Eshi wogisog hornigitag hajena eniphinkjanihawina nigewawakeregi, inke nigewawakaranigishi, Warukhegra inke hirani‐jinikjanihawina, eshi nikitujawigi E huagigiarnaga hirani‐jikjanihawina.

Johnga 17:11

Egi inke hinupahana manegi haunikjanena, eshi de‐e manegi uinekjanena egi hiranigikjanena. Jaji wakanjangra, rash hashinira wirakara hiuanje, jarnaga hunak’una, e hishankirairekjege hishankira hinina shesge.

Johnga 17:13

Shegunegi hiranigikjanena, egi washa de‐e maneginagre wirowakit’ajena, e wogishawa harnira harnaj exji harninekjege esge.

Johnga 3:29

Hisha hinugra khanaikjane manaj‐jegi hinugkhanaikjanera herejanana, egi hinugkhanaikjanega hijakorora hija nashianaga harnaxgujanana egi wogishawara rokanajanana, hinugkhanaikjanega hora naxgunjege esge, de‐e woshawa harnira shegunegi heregaja.

Hoixgara 1:9

Egi jaja washa de‐e arnakhi, horuxuj‐nank’u, wangregi howakerena, egi maxiwi rus‐hirena inke hinupahara hajairanina.

Hoixgara 14:23

Egi jaja wohokhu‐jhinaka eja xetera injab‐wakeregi egi gikaraj‐hirena hantaginaj hirassa uinena Hirukanara ewarni ushirena E harnaxgunanke.

Hoixgara 3:21

E wangregi rus‐hirena, washara jarnagaki harnaj hoishibregi epa Maura horagshana prophet wakanjank warnira harnaj horag‐wagigina, managre jinagra epa.