Markga 16:1 - Winnebego Bible Portions 1907

¹ Egi jaja Sabath‐hambra haixagi, Maria Magdalena, egi Jakob hiunira Maria, egi Salome maka pana phi ruwinena, hahiranaga hiwashairekjege.

Markga 16:1 ပူးပေါင်းရင်းမြစ်များ

Hogusra 50:2

Egi Joseph ware warnira makhanira un‐washina hianjra rora makha hawaxu‐hirekjege. Egi makhaninanka Israel rora makha hawaxunena.

Markga 14:3

Egi Bethania eja unakshana Simon Leper‐unga hojhieja, warujeja minaganak’u, hinugisha jina Alabaster kog‐hisha harni Nard hoshu wikinipana phixji egi jexihirena. Egi kogra gixuxshana egi Jesus nassueja hawaxuinena.

Markga 14:8

Hinug‐nagre jasge hiruxurugra unakshana. Hinug‐nagre jorni ro‐harnira wikini hingiwaxu jina hixairekjanera wagiu.

Markga 15:40

Egi eja hinugra hishge hari horuxuj‐nankshana, horogeja de‐e hijarnankshana Maria Magdalena, egi Jakob xunura egi Joses hiunihirera Maria, egi Salome.

Markga 15:42

Egi jaja hoxjarna hakirigi, hoikorohora hambeja hereake, Sabath‐hambra hambisha hotake.

Markga 15:47

Egi Maria Magdalena egi Joses hiunira Maria hajairena, hajinja t’umbhirera.

Markga 16:2

Egi hainixjinig, hambjornira haramihe‐hambregi wanaxihoshueja hahirena, wira haxebgaja.

Markga 16:8

Egi xapge hihinab‐hirena, egi wanaxi‐hoshueja giashirena, gisassa‐hirena egi khorairena. Egi inke hisha washa higairanina, naxirananke.

Lukga 23:54

Egi hambeja hikorohora herena, egi Sabathra herekjanena.

Lukga 23:56

Egi hakarairena, egi washa‐teg hirushjahirena egi wikinipana phi, egi Sabath‐hambregi xgasigirena, Maura u‐washi harnira jagu agra shesgehirena.

Lukga 24:1

Egi hamb jornira haramihehambregi hainixjinig warnaxi‐hoshueja hahirena, maka pana phi hirushjahirera harniahirena, egi hijane wakishu hahirena.

Johnga 19:25

Egi ejanashinakshana Jesus naramihejanaka, hiunira egi hiunira hijangra, egi Maria Kleopha hijawina, egi Maria Magdalena.

Johnga 19:31

Egi rora inke naramiheja nagnikjege Sabath‐haimbjanege, hambeja hikorohornanke, esge Sabath hamb she‐e hamb xetesherena, esge Judra Pilatus raxurugnainena hura waishish‐hirekjege egi warushib‐hirekjege.