19 Egi raxgeisha nassueja hiroji‐hirena, egi hashoirena, egi jowehieja huporo‐himinahirena egi gikaraj‐hirena.
Egi herena, jaja Abraham ware harnira hoit’e airare naxgungi, Jehowa jewehieja wakhuna (gikarajshana).
Egi hornihairena: Ware hashinira hianj‐hawira wankshig‐hoira phinakshana, higu niambanakshana. Egi wakhuirena egi mainja‐himp‐hirena.
Egi hashoirena egi raxgeaka rus‐hiranaga egi nassueja hojinena.
Egi igixja hirekjanena, egi washa pahi higipsinsh hirekjanena, egi hashoirekjanena egi d’ehirekjanena, egi hamb‐hidanihainja kikawa‐ankjanena.
Egi hota hasho hajiarairena egi hishjara hagirukainena egi nab‐hirojinena egi wagairena: Prophetre. Egi warera nab‐ruparas hirojinena.
Egi hikaragi hajiarairena: Hinikaragiwina, Judra hung harninera.
Egi jaja igixja rushjainegi, waini shujra girushorojhirena egi waini ewarnira wogiwaxug‐hirena, egi harniarairena naramiheja haisaraj‐hirekjege.
Egi horniharna egi wawogiragshana, hisgexjina Elias jorni jikjanena egi washara harnaj shige waphiunkjanena. Egi Wankshig‐hinigra jagu higaire wagaxankshe, washara roha jasgegi hawekjanena, egi inke washanisha hikisge‐hiranikjanena.
Egi wang Jesus harukosnankhi igixjairena egi hojinena.
Herodes egi wawokishgara wakarakishu, Jesus inke wankshighiranairanina egi igixjairena, egi waini sgaxji hogiwaxug‐hirena, egi Pilatus shige eja howarehirena.
Egi manapera hishge igixjairena hirajiranaga ninash hok’uinena.