Markga 14:18 - Winnebego Bible Portions 1907

¹⁸ Egi minaghiranaga egi waruj‐nank’u, Jesus wena: Hisgexjina hinigawina, waruj hinakishu sh’u‐hashanagwire hisha himaisharaikjanihawina.

Markga 14:18 ပူးပေါင်းရင်းမြစ်များ

Matthaiga 26:21

Egi warujnank’u wena: Hisgexjina hinigawina, hisha himaisharaikjanihawina.

Matthaiga 5:18

Hisgexji hinigawina, wangregi egi mara shejaineshge, jotara hisha egi hoshebnigra hisha woehieja inke shejanikjanena, harnaj exji herekjanera epa.

Matthaiga 6:16

Egi jaja hantara‐ginajwigi, inke hishjara najgeteg winianje woishjankera jasgaire‐shunura wikisgawinianje, hishja‐warninera hijawakaragirena, hantaginaj‐nagra wankshigra hajairekjawige. Hisgexjina hinigawina woirowera kurusnankshana.

Matthaiga 6:2

Esge jaja washa woga hashinira shunkjegi, inke joweraija duduera hisha howexu‐hiranikjena, hipokritra wohokhuhojhieja egi naguhoxeteja shesge hireshunura, wankshigra warajankhirekjege, hisgexjina hinigawina, woirowera kurusnankshana.

Matthaiga 6:5

Egi jaja ragikarajgi, hipokritra jasgarnangra inke shesgarnianje. E wohokhuhojhieja egi naguhoxete hopasseja nashinarnaga wankshigra hajairekjawige. Hisgexjina hinigawina woirowe harninera kurusnankshana.

Markga 10:15

Hisgexjina hinigawina, higu peshe Maura hungma harnira inke rusnianaga ninkjang xununig hikisge khinigi, inke hija hokawarnikjanena.

Markga 10:29

Jesus horniharna egi wena: Hisgexjina hinigawina, higu peshe jhira karat’unegi, egi shige wakhinubra egi shige hinugwajabra egi shige hianjra egi shige hiunira egi shige hijawira egi shige ninkjangnigra egi mara ne hawau, egi worag‐phira hawau waungi,

Markga 14:17

Egi hoxjarnagi nuphashanara wakarakishu hina.

Markga 14:19

Egi najgerateg hajiarairena, egi hinikehishana wagairena: Newineshe? Egi hijanera wena: Newineshe?

Markga 14:25

Hisgexjina hinigawina, inke shige habsinsh‐hueja hasni dajganikjanena hamb‐eja epa shige jeg dajgankjanena Maura hung‐ma harnieja.

Markga 14:9

Hisgexjina hinigawina, higu hajinja managre harnaj woragphi de‐e wihokhuinegi, hinug de‐e jagu une hishge horag‐hiranaga wewi‐ranihekjanena.

Markga 3:28

Hisgexjina hinigawina: Washa woishanara harnaj wankshigra wagit’unairekjanena egi, raxjashgunira, higu peshe raxjashgunigi.

Markga 6:11

Egi higu peshe inke niruswinigi, shige inke nanixguwinigi, jaja eja nige‐horawa‐sharawigi, si washiniwieja majushig hiranirajawingi hakja warnajowiaje, e wihohi hakikira kikuinekjanena. Hisgexjina hinigawina, Sodom egi Gomorah eja herera hiraijera hiroheg hawairekjanena woehi hambeja, jhinag she‐e hiraijera hawekjanena.

Markga 8:12

Egi nihasigina naxirag harnira egi wena: Jagu‐u wankshighoi de‐e washa woijanti horninankshe? Hisgexjina hinigawina, wankshighoi de‐e inke washa woijanti hok’uiranikjanena.

Markga 9:1

Egi wawagena: Hisgexjina hinigawina, hota higinashinankshana e inke hot’era harajab‐hiranikjanena jaja Maura hungma harnira homashjara hakaraniji hajairegi epa.

Markga 9:41

Higu peshe niwirajgara hisha ni‐hoshu rajga hornik’u‐hirawigi rash harnira hawau, Kristus eja ninewige, hisgexjina hinigawina woirowera inke gixawarninikjanena.

Lukga 11:51

Abel wa‐i harnira eparnaga Saxarias wa‐i earnieja, Altar wohokhu‐hojhixete hojakenainja e d’ena. Hisgexjina hinigawina: wankshighoi de‐e hirawairekjanena.

Lukga 22:21

Egi horuxujwire hisha himainaikjanera nab harnira waruj hihagregi harni hakishu haunankshana.

Lukga 4:24

Egi wena: Hisgexjina hinigawina, inke prophetra hisha e mojabeja karaishag hiranina.

Johnga 1:51

Egi wagena: Hisgexjina, hisgexjina hinigena, howarehire wangregi gihas hashjakjanihawina egi Maura waxopiniwarajire warnira hogitinagikjanena egi hanukanag‐nagikjanena, Wankshig‐hinigra wanghiregi.

Johnga 13:18

Hiat’at’are inke harnaj wanigawinina. Hiaperessana peshe waijana. Eshi wowagaxra jagu era shesgekjanena. E waisgabruj hakishu haunakshana, sikerejgera kuruana hinkirana.

Johnga 13:21

Jaja Jesus deshesge era, naxiragra najgerategshana egi horagshana egi wena: Hisgexjina, hisgexjina hinigawina, hisha himaisharagikjanihawina.

Johnga 13:22

Egi hironaghirera hokiruxuj hirena hajaxjinaka wagegi.

Johnga 13:38

Jesus hornigiharna: Shegu ne hinshjekjaneshe? Hisgexjina, hisgexjina hinigena, kheni bagawaxgewangra xagni, daniha khibainakhikjanena.

Johnga 21:18

Hisgexjina, hisgexjina hinigena: Warnijegregi nehikipirag rakhishununa, egi hajinja raiphinga horawashere‐shununa, jaja nishagkhi, ara shawajiki, egi hijanera hisha hikipirag‐ningigikjanena, egi ninutikjanena inke eja howarera raiphinishge.

Johnga 3:11

Hisgexjina, hisgexjina hinigena, washara hisha hinpereswiga horagwishununa, egi washara hisha hajawiga horagwishununa, egi inke shurus‐niharajena worag harniwira.

Johnga 3:3

Jesus horniharna egi wagena: Hisgexjina, hisgexjina hinigena, inke shige wankshigrisha wankshig‐inigi, inke Maura hungma harnira hajarnikjanena.

Johnga 3:5

Jesus horniharna: Hisgexjina, hisgexjina hinigena, inke hisha ni egi shige Naxirag wankshighi‐inigi inke Maura hungma harnira eja hokewe ruxurugninana.

Johnga 5:19

Jesus horniharna egi wawagena: Hisgexjina, hisgexjina hinigawina, Hinigra exji inke washa u‐nuxurugnina, Hianjra jagu u‐anjaga washanisha unga, de‐e hishge Hinigra unjena.

Johnga 6:26

Jesus wornigiharna egi wena: Hisgexjina, hisgexjina hinigawina, hunaniharajane inke wowakanjang haura hashjawira esge wash’uwini, eshi waisgab horok’in rajwira egi wa’ininajwira esge wash’urajiwina.

Johnga 6:32

Egi Jesus wawagena: Hisgexjina, hisgexjina hinigawina, Mosesga inke waisgab she‐e wangeja howaji hornik’uwinina, eshi Jajiga waisgab wogisog hornik’uwina wangregi howaji.

Johnga 6:47

Hisgexjina, hisgexjina hinigawina, hisha harnaixgungi wankshighoi hisgeja unana.

Johnga 6:70

Jesus wornigiharna: Inke nup‐hashanara nijawinishe, egi hisha waxopinishishig raniwina?