Markga 12:6 - Winnebego Bible Portions 1907

⁶ Egi hisha hinig‐higi, wogixetexjingi hishge hirowageni wirahigigina, wena: Hinighara gish’aghirekjanegaja.

Markga 12:6 ပူးပေါင်းရင်းမြစ်များ

Hogusra 22:12

Egi wena: Inke nab hashinira hojinjinigra hat’umbnine, egi inke shige washanisha giunine. Shegunegi hiaperesgaja Maura nanakewera, hajhagaja hinigraga inke hara‐kurukosnina, hinigraga eshana herera.

Hogusra 22:2

Egi wena: Hinigraga rusre hinigra eshana herera Isaak, e woragixetera, egi Moria mainja howarare, egi eja nab‐hiruxajhaje nab‐hiruxaj‐taxuhi, xeisha hihageja e hornigitaikjanena.

Hogusra 37:3

Egi Israel Joseph hiraijera wogixetena ninkjang warnira harnaj horujis‐hirena, shag‐regi hagarninege esge, egi wonashi hokeresh rohaisha giuna.

Hogusra 44:20

Egi hirukana harniwira wagawina hisha hianj hawina, wangnunig hisha, egi ninkjangnig hisha shag‐kaja harnira xunuxjira, egi khinubra d’ena, egi eshana hotarna hiunira warnira egi hianjra wogixetena.

Matthaiga 1:23

Horuxujwire, hinugwajeg hisha waujganaikjanena, egi hojinjinig hisha harnikjanena, egi rash harnira Emmanuel higairekjanena, de‐e hiroragra herena Maura wangakishu uwina ewairena.

Matthaiga 11:27

Washara harnaj hunkuna Jajiga, egi inke hisha hiperesnina Hinigra peshe herera, eshi Hianjrashana hiperessana. Inke shige hinkisha Hianjra hiperesnina, Hinigrashana, egi E higu peshe Hinigra hiperes‐hikjegi unana.

Matthaiga 17:5

Higu hit’at’arnak’u, horuxujre, maxisga nige hoirahasi‐wagigina. Egi horuxujre maxisgananka‐eja hisha hit’et’ena e‐wena: De‐e Hinigha wagixetera herena, hakaraiphina, harnaxguwine.

Matthaiga 26:63

Eshi Jesus inke xabnina. Egi nabhoruxaj hirukana hungjega horniharna egi wagena: Wihohire Mau niambra jowehieja, hungiragwire Kristus ninegi Maura Hinigra.

Matthaiga 3:17

Egi horuxujre, wangregi hora howajina, wena: De‐e hinigha wagixetera herena, E hakaraipixjina.

Markga 1:11

Egi wangregi hora howajina wena: Neninena Hinignira wornigixetera E haiphixji‐shununa.

Markga 12:5

Egi shige hijaneisha wirahigigina. Egi she‐e d’ehirena egi hijanera roha, hota wojinena, egi hota d’ewahirena.

Markga 12:7

Eshi max‐hirakarananka wakigairena: De‐e hoishjara harnira herena, huwire, d’ehikjawina, egi hoishjara neharnikjawina.

Markga 9:7

Egi eja maxiwi nigenagra hoirahasi wagigina, egi maxiwinanka eja hit’et’e howajina, wena: De‐e Hinigha wagixetera herena, harnaxguwine.

Lukga 3:22

Egi Naxirag Wakanjangra harnukanag huna ro‐jun rujge sganisge hihageja hajijena, egi wangregi hit’et’e howajina e wena: Hinignira wornigixetera neninena, ninkaraiphixjishununa.

Lukga 9:35

Egi eja maxiwieja hisha hora naxguinegi, wena: De‐e Hinigharna wagixetena, harnaxguwine.

Johnga 1:14

Egi Hoit’era hahi rona, egi horogregi jhina, gloriara hagija hajawina gloria she‐e eshanaherena Hianj‐hirera harnira, najwojana egi wogisogra rokana.

Johnga 1:18

Inkaga wankshigrisha Maura hajarnina, eshana Hinigrerege Hianjra mang‐hieja nakshana, hiperes‐wangahiwina.

Johnga 1:34

Egi hajharna, egi hornigitagwina She‐e Maura Hinigra herena.

Johnga 1:49

Nathanael horniharna egi wagena: Rabbi, Maura Hinigra neninegaja, Israel hung harninera neninegaja.

Johnga 3:35

Hianjihiwira Hinigra wogixetena, egi washara harnaji nabeja hogishuna.

Johnga 5:23

Wankshigra harnaj Hinigra gish’aghirekjanena, Hianjihiwira hoish’agra hikisgekjanena. Hisha Hinigra inke gish’agenigi, Hianjihiwira inke gish’aginikjanena, E hugigina.