Markga 12:10 - Winnebego Bible Portions 1907

¹⁰ Jasge wowagax de‐e inke hashjawineshe: Inisha, e jhiura nigiot’unairegi e ini haminag hopassera hahi‐herenana.

Markga 12:10 ပူးပေါင်းရင်းမြစ်များ

Matthaiga 12:3

Eshi wawagena: Jasge, inke wawagaxeja hashjawinishe Dawid jagu ura, jaja dokewehigi egi jarnaga wakishu unjegi.

Matthaiga 19:4

Egi horniharna egi wawagena: Jasge inke wowagaxeja hashjawinishe E jeghojikerehieja‐reja wauna wangra egi hinugra wauna.

Matthaiga 21:16

Egi wagairena: Nanaxgu rajeshe jagu arnangre? Egi Jesus wawagena: Hojia, jasge inkaga (wowagaxra) hashjawinishe, ninkjang xununigra egi wasinankhi ira shesge‐wahige rajank‐nankshana?

Matthaiga 21:42

Jesus wawagena: Jasge inkaga wowagaxeja hashjawinishe: Inisha e jhiura nigiot’unairegi e ini haminag hopassera hahi herenana? Maura E shesge hina, egi hajara khorewahina.

Matthaiga 22:31

Eshi jasge inkaga wowagaxeja hashjawinishe d’era hakiha wankshig‐inekjanera e Maura hornigiragwina, wena:

Markga 12:26

Egi d’erawawagairena, kikawa‐ahirekjanena, inke Mosesga wowagax harnira hashjawinishe, jasgehianaga xatabeja Maura hokit’egi, wena: Abraham Mau harnira newinena, egi Isaak Mau harnira newinena egi Jakob Mau harnira newinena?

Markga 12:9

Hapsinsh‐max hirukanara jagu unkjaneshe? Ji‐arnaga egi hapsinsh‐max hirakarara maisinsh wahikjanena, egi hapsinsh‐maxra hijaneja wogakjanena.

Markga 13:14

Eshi jaja homahujairera noxgaresge harnira inke hornashi phinieja nashinjau hashjakjanihawina e Daniel prophetra horagshana. (Higu peshe wowagax de‐e hajagi naxgunkjena), jarnaga Judea mowagaxeja nankhi xeja hogias hirekjena.

Markga 2:25

Egi wawagena: Jasge inkaga wowagaxra hashjawinishe Dawidga jagu una jaja warogungi egi dokewehigi egi jarnaga hakishu uankhi?

Lukga 6:3

Egi Jesus horniharna egi wawagena: Inke nishge wawagaxra hashjawinishe Dawidga dokewehigi jagu ungi, egi jarnaga wakishu‐unjegi.