Markga 11:18 - Winnebego Bible Portions 1907

¹⁸ Egi wowagax‐hiperesra egi nabhoruxaj hirukana hungra naxguinena, egi jasgehiranaga d’ehiranagi horninena. Nakawairena, wankshigra harnaj wogus earnira gixixhirege esge.

Markga 11:18 ပူးပေါင်းရင်းမြစ်များ

Matthaiga 21:15

Egi jaja nabhoruxaj‐hirukana hungra egi wowagaxhiperesra washa wowakanjank unga wajairegi egi ninkjangnigra e wohokhuhojhixeteja uwanankhi egi wairena: Hosanna Dawid hinigra giuinena, mashja inke giphihiranina,

Matthaiga 7:28

Egi herena jaja Jesus washa de‐e e‐rashjangi, wankshigra gixixhirena wogus harnira hawau.

Markga 1:22

Egi wogus harnira gixixhirena washa wagigusra hisha homashja harni hikisgewena, egi inke wowagax‐hiperes hikisgarnina.

Markga 11:32

Eshi wankshigregi howajina hiawigi, wankshigra hiwarnakawa‐wigaja, wankshigra harnaj Johnga prophet wogisog hiranainegaja.

Markga 12:12

Egi harukos‐nainena, eshi wankshigra wanakawairena, washinsgera wirokit’arnaka e wakira wera hipereshirege. Egi t’une egi nigeowakarairena.

Markga 3:6

Egi Pharisera hihinab‐hiranaga egi higuana Herodes ware warnira wakishu karagus‐hirena hakira, jasgehiranaga d’ehiranagi.

Markga 6:20

Herodes Johnga nakewena, wang phisha egi wakanjank hisha herera hiperesge, egi rujgus‐shana, egi jaja hornaxgungi washara roha una, egi naxguna giphina.

Lukga 19:47

Egi hambhokahi wohokhu‐hojhixeteja washa wagigussana. Egi nabhoruxaj hirukana hungra egi wowagax hiperesra egi wang rokanara d’ehinainena.

Lukga 2:47

Egi jarnaga naxgungi xix‐hirena hornaxgu harnira egi wornigihara.

Lukga 20:19

Egi nabhoruxaj hirukana hungra egi wowagax hiperesra howagix eja harukos‐nainena, egi wankshigra warnakawairena, hiperes‐hirena washinsgera de‐e wawirokit’are ewawagewege esge:

Lukga 4:22

Egi harnaj giphineshe higairena, egi khorairena hoit’e phixji i‐harnieja axebhiga. Egi wairena: Inke de‐e Josephga hinigra herenishe?

Johnga 7:1

Washa de‐e hageja Jesus Galilea mainja howeunjena. Inke Judea mainja howeuna inijena, Judra d’ehinainanke esge.

Johnga 7:19

Jasge Mosesga inke woehira hornik’uwinishe? Egi inkisha woehira ragish’uwinina. Jagu‐u howe d’einananashiwishe?

Johnga 7:46

Warananka hornihairena: Inkaga wankshigrisha hit’era shesgarnigaja wankshig de‐e.

Hoixgara 24:25

Egi wogisogphira hirokit’ena egi hikikurukanara, egi woehira jikjanegi hirokit’ena, Feliks gissassana egi horniharna, shegunegishi karare, jaja houiphingi ningigokjanena.