Markga 10:22 - Winnebego Bible Portions 1907

²² Egi she‐shesge eegi, najgerategshana, egi najgerateg nigehowakerena, washa jura rokanage esge.

Markga 10:22 ပူးပေါင်းရင်းမြစ်များ

Matthaiga 13:22

Egi hisha napahi horogeja sura rusgi e‐herena hoit’era naxgungi, egi ma‐tegi najge‐wojianaga egi hitajera‐waishjankejege hoit’era nihaijeb‐hinana egi inke washa haminagninana.

Matthaiga 19:22

Eshi jaja hojinjinjega washa de‐e naxgungi, najgerateg nige‐howakerena, washara rohaxji harnijege.

Matthaiga 27:3

Egi Judas, e himanagra, jaja Jesus d’ehirekjanera hajagi, najgerakarategshana, egi shura‐sgara kerepanadanianka nabhoruxaj hirukana hungnanka egi xetenanka wagarnijina.

Markga 10:21

Egi Jesus horuxujshana egi wogixetena egi wagena: Washa hisha hininujis‐rajena, karanaga egi jagu hashinigi wawikuru‐winge, egi wanajojaisgeja wawogaje, egi wangregi washa jexi hashinikjanena, egi jiarnaga, egi nanamihera rusanaga egi hiroinagaja.

Markga 10:23

Egi Jesus hogigix horuxujshana, egi wironag warnira wawagena: Hisgexji hitajenagre wogijexi hiregaja Maura hungma harnieja hokewera.

Markga 6:20

Herodes Johnga nakewena, wang phisha egi wakanjank hisha herera hiperesge, egi rujgus‐shana, egi jaja hornaxgungi washara roha una, egi naxguna giphina.

Markga 6:26

Egi hunganaka mashja najgerategshana. Eshi wihohiga hawau egi wakishu minagananka e hawau, inke watara rushag’hi ruxurugnina.

Lukga 12:15

Egi wawagena: Horuxujwige, hirakarauwine hitajenaira, wankshigra hisha hitajegishi inke she‐e wankshighi‐ininana.

Lukga 18:23

Egi jaja de‐e naxgungi, mashja najgerategshana, mashja hitajejege esge.