Markga 10:14 - Winnebego Bible Portions 1907

¹⁴ Eshi jaja Jesus hajagi mashja inke giphinina, egi wawagena: Ninkjang xununigra hiraji waigigiwire, egi inke warogixiwinine shesgera Mau hungma harnira harninena.

Markga 10:14 ပူးပေါင်းရင်းမြစ်များ

Hogusra 17:7

Egi rohira hikisge wakhi harnira hojakena hihiregi hakara‐kerekjanena, egi su washinira hag howarehire hokijhu harnineja, manegus rohira hikisge wakhi hisha herena. Mau hashinikjanena egi su washinira hag howarehire.

Matthaiga 18:10

Hirakara‐uanje xununignagre hisha inke hosh’igwinianje, hisgexjina hinigawina waxopiniwarajire warnira wangreginagre hoishib Jajiga wangregi nagre hishjara hajarnakshana.

Matthaiga 18:4

Esge higu peshe kushi hakikaranianaga ninkjang xununig de‐e hikisgegi, e hungma wangregi xetera herenana.

Matthaiga 19:14

Egi Jesus wena: Ninkjang xununignanka hiraji waigigiwire egi inke warogixiwinine, shesgera hungma wangregi herera wagiuinena.

Matthaiga 5:10

Wogishawarnankshana jarnaga washophi hawau wawigishananankhi, hungma wangregi herera earninekjanege.

Matthaiga 5:3

Wogishawarnankshana naxirag wanajojaisgera, hungma wangregi herera earninege.

Markga 3:5

Egi jaja hogigix woruxujshana wogiteg, najgerategshana najge warninera warnuxshag‐hirege, wangjega wagena: Ara wajigre, egi ara wajigshana, egi nabra niambshana hirakissanigra hikarakisgena.

Markga 8:33

Eshi jaja hijopahi nashingi, egi wironag warnira woruxujgi Peter najisgina, wena: Satanra hageja howeune, Maura washa warnira inke wowewina eja niniharnina, eshi wankshignagre washa warnineja.

Johnga 3:3

Jesus horniharna egi wagena: Hisgexjina, hisgexjina hinigena, inke shige wankshigrisha wankshig‐inigi, inke Maura hungma harnira hajarnikjanena.

Johnga 3:5

Jesus horniharna: Hisgexjina, hisgexjina hinigena, inke hisha ni egi shige Naxirag wankshighi‐inigi inke Maura hungma harnira eja hokewe ruxurugninana.

Hoixgara 2:39

Egi manaj de‐e neashiniwina, egi ninkjang washiniwira egi jarnaga hiroharinagre, egi jarnaga Hirukana Mau harniwira gigogi.

Hoixgara 3:25

Prophetra ninkjang warninera neninewina, egi Maura hianjiwahiwira rohira hikisge wakhina (ninkjangra neninewina), jaja Abraham wagena, egi su hashinira waunkjanena wankshigra maneginagre harnaj washophi hirajirekjanena.