Markga 1:27 - Winnebego Bible Portions 1907

²⁷ Egi harnaj khorairena, hikiwax‐hajiarairena, wairena: Jaguisha de‐e hereshe? Wogus jeg jaguisha de‐e hereshe? Homashja hiuanaga naxirag shishigra uwashira, egi giuinena.

Markga 1:27 ပူးပေါင်းရင်းမြစ်များ

Matthaiga 15:31

Sheshesgehigi worohanka khorairena, jaja i‐ningra hit’et’e wajairegi, hokishigra rushjainegi, manirushagra maninegi, egi hishjarningra wajairegi, egi Israel Mau harninera rajank‐hirena.

Matthaiga 8:9

Wang hirukanaine harnina manape hitukanana: Egi wang de‐e wagarnana, rare hiagegi egi rarnana, egi hijaneisha hure hiagegi egi hunana egi ware harnira de‐e une hiagegi egi unana.

Matthaiga 9:33

Egi jaja waxopinishishigra jangra wowahasgi, iningra hit’et’ena. Egi worohanka khorairena, wairena: Washa de‐shesge Israel‐eja inkaga hajairanina.

Markga 1:26

Egi jaja naxirag shishigjega mainaje jirehigi, egi mashja uwana, eja hihinabshana.

Markga 1:28

Egi higuana ma‐nanka harnaj hornaxgura hoerarena Galilea mara.

Markga 10:24

Egi wironagra hoit’e de‐e gixixhirena. Eshi Jesus shige horniharna egi wawagena: Ninkjangnig wira, hisgexji wogijexinankshana Maura hungma harnieja hokewera jarnaga washintaje hikhieja woinashira kerenankhi.

Markga 10:32

Egi Jerusalemra howarahairena, egi Jesus joweja uankshana, egi khorairena egi hironag‐nangnunige naxiranankshana. Egi shige nuphashanara warussana egi wawogirag‐jirena jagushana howekjanegi.

Markga 16:5

Egi wanaxi‐hoshueja hokawairegaja, hajairena wanghojinji hisha hoishoroija minaganakshana, wonashi serej sgaisha hornashi, egi naxirairena.

Markga 16:6

Egi wawagena: Inke naxirawinine, Jesus Nasaretheja herera horani harajena, E naramiheja haisaraj‐hirera, kikawa‐ana, inke higiagnina: Horuxujwire hajinja t’umbhirera.

Markga 7:37

Egi khorera rokanaxji‐hirena, wairena: Washara harnaj phihigaja. Nux‐ningra warnaxgu‐wahianaga egi iningra hit’et’e wahigaja.

Lukga 4:36

Egi harnaj khorairena, egi hokikit’airena, wairena: De‐e hoit’e jaguisha hereshe? Egi homashjana egi ruxurugkaja naxirag shishigra u‐washira, egi hihinabhirena.

Lukga 9:1

Egi Jesus nuphashanara hironag warnira stowakaragina, egi homashja wogarna egi waxopinishishigra wirukana wagigina egi howashara rushjawahi wagigina.

Hoixgara 17:19

Egi rus‐hirena egi Areopagus‐eja harniahirena, wairena: Wogus jeg de‐e jaguisha heregi hiaperesikjawina e waragigus rajane.