Lukga 7:16 - Winnebego Bible Portions 1907

¹⁶ Egi harnaj eja naxirairena, egi Maura rajanghirena, wairena: Prophet rokanaisha horoghihiwiregi haxebshana, egi Maura wankshig warnira womakarakhini jina.

Lukga 7:16 ပူးပေါင်းရင်းမြစ်များ

Matthaiga 15:31

Sheshesgehigi worohanka khorairena, jaja i‐ningra hit’et’e wajairegi, hokishigra rushjainegi, manirushagra maninegi, egi hishjarningra wajairegi, egi Israel Mau harninera rajank‐hirena.

Matthaiga 21:11

Egi worohanka wairena: De‐e Jesus prophet Nasareth‐eja herera herena Galilea mowagax‐eja.

Matthaiga 28:8

Egi xapge warnaxi‐hoshueja nige‐howakarairena, naxire egi wogishawara rokana, egi nanghirena wironag warnira hoit’era wagarni‐hagirena.

Matthaiga 9:8

Egi jaja worohanka hajairegi, khorairena, egi Maura rajankhirena, E homashja shesge wankshigregi wogage.

Lukga 1:65

Egi jarnaga hiwusunsh jhiakhi naxirairena. Egi washa de‐e harnaj naxguinena xe‐hojuanka Judea mowagaxra.

Lukga 1:68

Hirukanara ninajank hirekjanena Maura Israel washinira, egi horajajina egi wankshig warnira wakuruwinjina.

Lukga 19:44

Egi maisinsh‐nikjanihawina egi ninkjangnig washinira rogreginagre, egi inke inira nige hisha hirajakikanag harnagnikjanena, hambeja horanijajiwira inke hiraperesni harajege esge.

Lukga 2:20

Egi jhasgairakarananka hakja karairena, gloriajena egi Maura rajanghirena, washara jarnaga naxguinega egi hajairega, wawogiraghirege esge.

Lukga 24:19

Egi wawagena: Washa jaguisha? Egi wagairena: Jesus Nasaretheja herera wagena, E prophet hisha herena, worera rokanara egi hoit’era mangishjana Maura jowehieja egi wankshigra harnaj jowehireja.

Lukga 5:26

Egi harnaj khorairena egi Maura rajankhirena, egi nakewera rokanainena, wairena; Hamb de‐e washa jeg hajawigaja.

Lukga 5:8

Simon Peter jaja hajagi, egi mainja himpshana Jesus jowehieja, wena: Hirukanara hijahi howakarare, washa woishana u wankshig harnige.

Lukga 7:15

Egi d’arnihera minag‐kirinakshana, egi hit’at’ajirena. Egi hiunira hokaraikuna.

Lukga 7:39

Egi jaja Pharise waruj‐shijega hajagi, hikigena egi wena: Wang de‐e prophet hisha heregi, hinug jasgeisha herera hiperes‐shgunina hikiornagre, hinug washa woishana uisha heregaja.

Lukga 8:37

Egi worohanka Gadarera mowagax hogigixanka gitairena nigiowakerekjege, mashja naxirairege esge. Egi waj‐eja homigkanaganaga egi hakja shige kerena.

Lukga 9:19

Hornihairena, wairena: John Niwawaxunga, egi hota wairena, Elias, egi hijanera wairena, prophet shagra shige hisha niambshana.

Johnga 1:21

Egi higiwaxhireshguni, jagu ranigaja, Elias nenineshe? Egi wena, inke newinenina. Prophet airera nenineshe? Egi wena, inka.

Johnga 1:25

Egi higiwaxhireshguni egi wagaireshguni, jagu‐u niwashawaxurajeshe Kristus inke neninenigi, shige inke Elias egi prophetjega inke neninenigi?

Johnga 4:19

Hinugjega wena: Hirukanara harnijharna prophetranigaja.

Johnga 6:14

Egi wankshigananka hajairegishi wowakanjangra Jesus ungi, wairena: De‐e wogisogji prophet e heregaja, jasgegi manegi jikjane airera.

Johnga 9:17

Wang‐hishjaraningjega shige wagairena: Jagu hiragireshe hishjasu washinira warnigiruhasgi? Wena: Prophet hisha heregaja.

Hoixgara 5:5

Egi Ananias hoit’e de‐e warnaxgungi, mainja hokanena, egi d’ena. Egi washa de‐e naxguinegi harnaj naxirera rokanainena.

Hoixgara 7:37

Moses de‐e erena, e Israel ninkjangra wawagena: Prophet hisha Jehowa Mau hashinira warakhinubeja nashi ningikerekjanihawina hiakisgeisha e harnaxguwiaje.