12 Egi eja wankshigra haehixjinakshana. Hota warnakshana, wang phisha heregaja. Hijanera warnakshana, inka, eshi wankshigra waishjanke‐jegaja.
Esge Pharisera hota wairena: Wankshig de‐e inke Maura eja howajinigaja, inke Sabath hambra haisonigaja. Hijanera wairena: Wankshig washa woishana ura hisha wowakanjank shesge u‐ruxurugnashe? Esge nupihikhinena.
Egi hornihairena Pharisera: Nishge nigishjankewishe?
Jaja Pharisera naxguinegi wankshigra washa deshesge E haehinankhi, Pharisera egi nabhoruxaj hirukana hungra ware warninera rewagigirena harukos‐hirekjege.
E wang phisha herena egi Naxirag Wakanjangra hoixji egi harnaxgura. Egi wankshigra rohaxji Hirukanara eja hornashina.
Hornigihairena egi wagairena: Nishge Galilearanishe? Hornianaga egi horuxujre, Galilea‐eja inke prophetra hisha howajinina.
Egi wankshigananka hajairegishi wowakanjangra Jesus ungi, wairena: De‐e wogisogji prophet e heregaja, jasgegi manegi jikjane airera.
Egi horuxujre, wangisha eja jena Joseph higairera, waehisha egi wang phisha herena, egi wang rojaisha.
Egi jaja manape hungra jagu ura hajagi, Maura rajankshana, wena: Hisgexjingaja de‐e wang phisha heregaja.
Egi Jesus wagena: Jagu‐u phi hinageshe? Inke hisha phiniankaja, Maurashana phina.
Egi harnaj eja naxirairena, egi Maura rajanghirena, wairena: Prophet rokanaisha horoghihiwiregi haxebshana, egi Maura wankshig warnira womakarakhini jina.
Wangphira hisha najge harnira washa phi hoshugi, washa phira eja haxebjanana. Egi wangshishigra hisha najge harnira washa shishig hoshugi, washa shishig haxebjanana, najgera jagura hoixjinjegi, ieja xunjanana.
Wairena: Hirukanara, hiapereswina waishjanke she‐e niambjanegi wena: Hambra danihangi shige hakikawa‐ankjanena.
Egi harukos‐nainena, eshi worohanka wanakawairena, prophet hisha here hirana‐inanke esge.
Hinanankshana wagax‐hajara wawagaxhajawagigi harninera hikarakisgairegi, egi warera hirukana harninera hikarakisgairegi. Jhi‐hirukanara Beelsebub higairegi jasge hojhieja herera inke hiraijeraxji wawagairaninashe?