1 Washa de‐e hageja Jesus Galilea mainja howeunjena. Inke Judea mainja howeuna inijena, Judra d’ehinainanke esge.
Eshi jaja jhinag degi hinigishana nainawigi, hijahhogiaswiaje. Hisgexjina hinigawina, Israel jhinag warninera kheni harnaj horawawini, wankshig‐hinigra jikjanena.
Eshi jaja max‐hirakarananka hinig hirajega hajairegi, wakigairena: De‐e hoishjana harnira herena, huwire, d’ehikjawina egi hoishjaine harnira harnikjawina.
Egi wowagax‐hiperesra egi nabhoruxaj hirukana hungra naxguinena, egi jasgehiranaga d’ehiranagi horninena. Nakawairena, wankshigra harnaj wogus earnira gixixhirege esge.
Egi de‐e Johnga worag harnira herena Judra nabhoruxaj hirukanara egi Lewitra hijowarewagigire, Jerusalem eja howahirena, higiwaxhirena peshe nineshe higairena?
Judea‐eja rena egi shige Galilea eja howarena.
De‐e shige hinupahara wowakanjank una, Jesus Judea‐eja hugi Galilea‐eja jigi.
De‐e hagregi Jesus nigiowarena Galilea tera harujena Tiberias tera higairena.
Egi Judra horninena woruj‐eja, egi wairena: Hajiuja unjeshe?
Eshi hankeisha harusharani higarnijena Judra wanakawairege esge.
Jasge Mosesga inke woehira hornik’uwinishe? Egi inkisha woehira ragish’uwinina. Jagu‐u howe d’einananashiwishe?
Egi Jerusalem‐eja herera hota wairena: Inke erejanishe hisha d’ehinainera?
Esge Judra ewakigairena: Hajinja howarekjanegaja, inke hienikjanihawishe? Hellenos horogeja hoeranagre eja howarekjege, Hellenitra washa wagiguisjege wegaje.
Hiapereshajena Abraham su warnira neninewira, eshi d’eina‐nanash’iwina, hoit’e harnira inke harnainagixguwinige esge.
Eshi shegunegi d’eina‐nanash’iharajena wankshig hisha wogisogra hornigiragwira, e Maura eja naxguna, Abraham inke shesge hinina.
Jasge hounahira Maura Jesus Nasareth‐eja herera Naxirag Wakanjangra hawaxuna egi homashjara, E rarnaga washophi una egi harnaj rushjawahina jarnaga waxopinishishig hawe‐hiuankhi, Maura hakishu unjege esge.