Johnga 5:3 - Winnebego Bible Portions 1907

³ Jhi degi wankshig howashara mashja roha hoshuirena, hishjaningra, manirush’agra, takasserera, nira hixgankjanegi hapenankshana.

Johnga 5:3 ပူးပေါင်းရင်းမြစ်များ

Matthaiga 15:30

Egi worohaxji hirahina, jarnaga manirushagra wakarani egi hishjaningra, iningra, hokishigra egi hijanera rohaxji, egi Jesus sii‐hieja wagishuirena, egi rushjawahina.

Matthaiga 4:24

Egi Siria mara harnaj hornaxguinena egi jarnaga howashara harnaj wagarni hahirena howasha hokirajra egi hotegjura, egi jarnaga waxopinishishig harninankhi, egi jarnaga wanaxi howankhi egi ro‐tegra egi harnaj rushjawahina.

Lukga 7:22

Egi Jesus horniharna, wawagena: Karawire egi Johnga hogiragwiaje washa jagu hashjawire egi nanaxguwine. Hishjarningra wajairare, maninushagra manirare, lepra rushjairare, nuxningra warnaxguirare, d’era kikawaairare, wanajojaisgeja worag phira wihokhunangikjanena.

Johnga 5:2

Egi Jerusalem‐eja jhasga jhirobeja tenigisha nankshana, Hebrai hit’era Bethesda higairena, eja jhiakohi serejra saja hahankshana.

Johnga 5:4

Hagaira waxopiniwarajire hajiranaga tenigananka eja nira hixga hireshunuge esge waunankshana. Nira hixganga hageja peshe jorni nieja nashinga rushjashununa, howasha jagu unisherega.