2 Homashja hunakuna rora harnaj wirukana hinagigire, esge E jarnaga horak’una wankshighoi hisgeja wok’unkjanena.
Washara harnaj hunkuna Jajiga, egi inke hisha hiperesnina Hinigra peshe herera, eshi Hianjrashana hiperessana. Inke shige hinkisha Hianjra hiperesnina, Hinigrashana, egi E higu peshe Hinigra hiperes‐hikjegi unana.
Egi she‐e manegus haweja howarairekjanena eshi phira wankshig‐hoi hisgejaija hokawairekjanena.
Egi Jesus jiarnaga egi wawokit’ena, wena: Homashjara harnaj hunkuinena wangregi egi manegi herera.
Jaji shesgekjena hajinja hauanjegi, woirak’una hishge eja wakishu haunkjena, gloria harnira hajairekjege e hunak’ura esge. Woiragixetegaja kheni managre jinagni.
Rash hashinira hiperes‐waharna wankshigra jarnaga manegi horus woirak’una. She‐e Ne‐washinira, egi she‐e Ne‐woirak’una, egi hoit’e hashinira harninankshana.
Gikaraj warnigigina: Inke managre gikaraj warnigiginina, eshi jarnaga hunak’una, she‐e Ne‐washinige esge.
Hianjihiwira Hinigra wogixetena, egi washara harnaji nabeja hogishuna.
Eshi hisha ni wak’ungi rajgangi e manegus inkaga iwusnikjanena, egi ni de‐e wak’ungi ma‐i hornashikjanena manegus wankshighoieja hosagikjanena.
Inke waruj d’arnankhi ruxurugnaiwinine, waruj hisha she‐e inke shena phiniagra ruxurug‐naiwine wankshighoi hisgejagra she‐e Wankshig‐hinigra hornik’unkjanihawina, Maura Hianjihiwira E wijanti‐una.
Jarnaga Hianjihiwira hunk’ura hiraijirekjanena egi she‐e hiraijiregi inke jangra wat’untanikjanena.
Egi de‐e Hianjihiwira woshganira herena E huingigina, jarnaga hunk’ungi inke hisha xawarni‐harnikjanena eshi phihi shige wankshig‐inekjanena hamb hirowageja.