Johnga 16:2 - Winnebego Bible Portions 1907

² Wohokhu‐hojhieja hihinab nigigirekjanihawina. Hisgexjina howagixra jigi, peshe d’eninawigi, Maura wagire waushe hirekjanena.

Johnga 16:2 ပူးပေါင်းရင်းမြစ်များ

Matthaiga 10:28

Egi inke wanakawawinianje ro‐d’ehinanka egi inke naxirag d’ehi ruxurug‐ninankshana. Eshi nakawawiaje e naxiragra egi rora maisinsh wahi‐ruxurugjera pej‐shishigeja.

Matthaiga 24:9

Egi nirushjare hirekjanihawina hawewahieja egi d’eninekjanihawina egi wankshig‐hokirajra harnaj hornish’ighirekjanihawina, rash harnira hawau.

Lukga 6:22

Wogishawaxjira neninewina, wankshigra hornishig hirawigi, egi woinjab ninawigi, egi najinisgirawigi, rashwashiniwira wanigit’urairawigi wowong hikisgeninawigi Wankshig‐hinigra hawau warnigi uinawinana.

Johnga 12:42

Shesgarnunige wang jornira horogeja roha harnaxguna. Eshi Pharisenaka e hawau inke hokarag‐hiranina, nigete wohokhu‐hojhieja hihinab‐wagigirege hirairege esge.

Johnga 16:25

Washa de‐e hironikit’awira washa hisgera wagena. Eshi howagixra jigi inke hinupahana washa hisgera hironikit’anikjanihawina, eshi harusharani ningiguiskjanihawina Hianjihiwira eja.

Johnga 16:32

Horuxujwire, howagixra jigi egi shegunegi jina, hornierekjanihawina jarnaga raniwira worajhiwira horawarakerekjanihawina, egi inekhi hinat’u‐sherekjanihawina. Egi inke inekhi hajanikjanena Hianjihiwira hakishu hauanjege esge.

Johnga 4:21

Jesus wena: Hinugra harnaixgune, howagixra jigi, jajaheregi inke xe‐tegishana, egi inke Jerusalem‐eja Hianjihiwira gikaraj hiranikjanena.

Johnga 4:23

Eshi howagixra jina, egi shegunegi herena, jaja Mau gikaraj wogisogra Hianjihiwira gikarajhiregi Naxiragra hiu egi wogisogra hiu. Hianjihiwira wankshig shesge gikaraj‐hirera hornijena.

Johnga 9:22

Hoit’e de‐e shagwahira wairena, Judra wanakawairege esge. Judra wana‐ina hakishjeg hiraginige, hisha wogisog horakhi Kristus erejena e‐gi wohokhu‐hojhieja hihinab‐gigirekjanege esge.

Johnga 9:34

Hornigihairena egi wagairena: Harnaji washa woishana u wankshig‐sh’ina egi washa hinagigus‐kjanihawishe? Egi jangra hot’unairena.

Hoixgara 5:33

Jaja she‐e naxguinegi najgera wamakunukuni hirewahina egi d’ewahirekje airena.

Hoixgara 7:56

Egi wena: Horuxujwire, maxira ruhas hajharna egi Wankshig‐hinigra Maura nab‐hoishorohieja nashinjena.