Johnga 15:8 - Winnebego Bible Portions 1907

⁸ Egi de‐e eja Jajiga gloriajena, hasra roha hamininaikjawige, egi wironag Ne‐harninikjanihawina.

Johnga 15:8 ပူးပေါင်းရင်းမြစ်များ

Matthaiga 5:16

Deshesge‐hiwire hohamb washiniwira wankshig jowehireja hatasha wakarakerewire, worephi washiniwira warnigija‐hirekjawina egi Hianjrawiga wangreginagre sharajangikjawina.

Matthaiga 5:44

Eshi hinigawina: Hornishig‐hirawira wawogixetewiaje, washophi howe warogiguwiaje washoshishig‐howe ronigigu‐nangwigi, egi phiwagigiwiaje hornishig‐hirawigi egi gikaraj wagigiwiaje jarnaga washanigishgashgahirawigi egi hinigishana hirawigi.

Matthaiga 9:8

Egi jaja worohanka hajairegi, khorairena, egi Maura rajankhirena, E homashja shesge wankshigregi wogage.

Lukga 6:35

Eshi hokikje‐warakijabwira wawogixetewiaje, egi phiwagigiwiaje egi wornajwagigiwiaje, inke hakja karakjambwinianje, egi woirowe hashiniwira xetekjanena, egi Eshana Hiraijeranagra E ninkjang harninikjanihawina. Maura phiwagiginakshana inke wainabnira egi wowongra.

Johnga 13:35

Deshegunegi wankshigra harnaj hiniperes‐hirekjanihawina ne wironag harniwira, worakixetewigishi.

Johnga 15:5

Habsinsh‐hura Newinena, akarajgera neninewina. Hisha eegi hunjhigi egi wajhinana, e hasra roha haminaikjanena. Inke hish’uwinigi inke washanisha u‐shuruxurugwininana.

Johnga 8:31

Egi Jesus Judranaka harnaxgunega wawagena: Hoit’e harninegi sh’uanajegi, hisgexji Ne wironag harninikjanihawina.