Johnga 15:2 - Winnebego Bible Portions 1907

² Akarajgera jarnaga harnaishianaga inke has haminaginigi, warusanaga nigewot’unajena, egi akarajgera jarnaga harnaishianaga has haminagiregi waphiunjena e hasra hiraijera haminag hirekjege.

Johnga 15:2 ပူးပေါင်းရင်းမြစ်များ

Matthaiga 13:12

Higu peshe harnijegi e hokuinekjanena egi hiraijera junkjanena, eshi higu peshe inke harnijanigi, e girus‐hirekjanena, higu jagu harnijegi.

Matthaiga 13:33

Washinsgera hijaneisha wawogiragshana, hung‐ma wangregi herera winawohi hikisgena, e hinugra hisha rusanaga egi waisgabra wigus danigi eja hirokishunana, hahiharnaj nawornana.

Matthaiga 15:13

Egi horniharna egi wena: Washa jagu haxebnankhi e wangregi Hianjhara inke woshuni waunankhi, rejuna wirushoroj‐hirekjanena.

Matthaiga 21:19

Egi jaja nagueja Fig‐na‐hisha hajagi hijahina, egi inke washa haminagnina, eshi na‐abrashana‐jena, egi najega wagena: howarehikjanihare manegus inkaga has hamininagnikjanena. Egi higuana Fig‐najega hatat’egshana.

Matthaiga 25:29

Egi higu peshe junjegi hokuinekjanena, egi juxjinkjege, eshi hisha jushgunijegi, girus‐hirekjanena jagu harnijegi.

Matthaiga 3:10

Egi shegunegi najega rejueja masra agi hagarninankshana. Esge nara jarnaga inke has phi haminaginigi, waiwank‐hirekjanena egi pej‐eja wot’unairekjanena.

Matthaiga 3:12

Waisgabporoporo hiwamaxisha harnijena, egi waisgab‐hoissu hou harnira sge‐karagikjanena. Egi waisgab‐hojhieja waisgab warnira hosto‐wahikjanena, eshi waisgab‐hara taxuwahikjanena manegus pej‐eja.

Matthaiga 7:19

Nara jarnaga inke has phi haminag hiranigi waiwank‐hirekjanena, egi pej‐eja wot’unairekjanena.

Markga 4:20

Egi de‐e hererena makax hophieja woshu‐hirera, shesgera hoit’era naxguinena egi rus‐hirena egi washa haminag‐hirena, hota kerepana‐dani, hota kerepana‐hakewe egi hota hogihisha haminag‐hirena.

Lukga 8:13

Ini hihagejananka e hererena, e jaja naxguinega, hoitera wogishawaxji rus‐hirena, egi she‐e inke reju juiranina, e jowexjinig harnaxguiranaga egi jaja wiunjairegi hakjagijeranana.

Johnga 15:1

Habsinsh‐hu wogisogra Newinena, egi Jajiga habsinsh‐max hirakarara herena.

Johnga 15:16

Inke hinaijawinina, de‐eshi ninjawina, egi ninkerewina, sharawigi has hamininaikjanihawina, egi has washiniwira hijarnagikjanena, she‐e hawau Hianjihiwira jagurisha hiragawigi rash harnira sharajwigi hornik’unkjanihawina.

Johnga 15:3

Shegunegi nisgewina hoit’era warniuwina hironikit’awira.

Johnga 15:6

Hisha eegi inke hunjhinigi e nige hot’unairanana akarajge nisge, egi hatat’tegnana, egi sto‐wahiranaga, egi pejeja wot’urairanana egi daxuiranana.

Johnga 15:8

Egi de‐e eja Jajiga gloriajena, hasra roha hamininaikjawige, egi wironag Ne‐harninikjanihawina.

Johnga 17:12

Manegi wakishu hauanjeregi wirakarajena rash hashinira hia‐uanaga. She‐e woirak’una wirakarajena, egi inke hisha xawarninina, hinig xawarni‐nashana, wowagaxra exji herekjege.