Johnga 13:1 - Winnebego Bible Portions 1907

¹ Egi Pasxa worujra kheni hereni, Jesus hiperessana howagix earnira jira, ma‐degi nige howakerekjanena Hianjra‐eja, wawogixetejena ewarnira manegi u‐nagra, wawogixetejena hoshejainja hipa.

Johnga 13:1 ပူးပေါင်းရင်းမြစ်များ

Matthaiga 26:45

Egi wironag warnira wirakirina egi wawagena: Nawinane, egi xgasigiwire. Horuxujwire howagixra hiwusunsh jiginina egi Wankshig‐hinigra washa woishana ura nab warnineja horushjarehirekjanena.

Matthaiga 28:20

Egi washara harnaj wagigus‐wiaje uinekjena jagu uinishiwira, egi horuxujwire hoishib harnikishu hauanjawina ma hoshejainja hipa. Amen.

Lukga 22:53

Hambokahi wohokhu‐hojhixeteja harnikishu hauwina, inkaga hisha hinakisharawini nab renawinishunura, eshi howagix de‐e niashiniwina, egi hokawasra homashja harnira.

Lukga 9:51

Egi herena hambra higirerahena wangregi howaji rus‐hirekjanena, Jerusalem‐eja hapahi rahena.

Johnga 11:55

Egi Pasxa woruj Judra harninera here‐korohorna, egi roha ma‐eja howajina Jerusalem‐eja howarairena, kheni Pasxa hereni kikurusha harairena.

Johnga 12:23

Egi Jesus wornigiharna wena: Howagixra jiginina, Wankshig‐hinigra gloriakjanena.

Johnga 13:29

Judas panra harninake, esge Jesus wageguni, waruwirare washa worujeja hiunkjanihawigi, nigeshge wanajojaisgera washa wogakjege wageguni, hota hirairena.

Johnga 13:3

Jesus hiperesjena, Hianjra washara harnaj wok’una nab‐earnieja wogishuna, egi Maura eja howajira, egi Maura eja howakerekjanena.

Johnga 13:34

Uwashi jegisha hornik’uwina, worakixetekjawige. Wornigixete‐hajera, hikisge hishge wokixetewiaje.

Johnga 14:28

Nainaxguwina jagu hinigawira: Nigewawatekjanena, egi shige hiranikirikjanihawina. Woiragixetewigi, wornigishawakjanihawina, Hianjihiwira E wawakerekjanena hihera esge. Jajiga E hiraijera xetenankshana hotujis‐shana.

Johnga 14:31

Eshi managre hiperesjanena Hianjihiwira wagixetera, egi Hianjihiwira ushi hunkuna shesge hauanjena: Nashiwine, nigeowainekjawina.

Johnga 16:28

Hianjihiwira eja hurna, egi manegi hajina, egi shige managre hat’untekjanena egi Hianjihiwira eja wawakerekjanena.

Johnga 17:1

Washa de‐e Jesus ena, egi wangeja horuxujshana egi wena: Jaji, howagixra jina Hinigraga gloriagiune, egi Hinigraga nishge glorianingigikjena.

Johnga 17:16

Inke manegi hereranina, inke manegi winenina hiakisgena.

Johnga 17:26

Egi wawagitagshana rash hashinina, egi wawagitaikjanena, egi wogixete she‐e hiwoiragixetera hojhirekjawige egi wawajhikjege.

Johnga 17:5

Egi shegunegi Jaji gloriawina nexji‐hashinina hiu, gloria e wagena harnikishu hau‐harniharegi kheni managre jinagni.

Johnga 18:4

Egi Jesus washara harnaj hiperesjena jasge gigirekjanegi, hikipa‐ranaga egi wawagena: Peshe horani harajeshe?

Johnga 19:28

Hageja de‐e Jesus hiperessana washaraharnaj shegunegi hoishibra, wowagaxra exji herekjege, esge wena: Iwussana e‐ga.

Johnga 2:13

Egi Pasxa woruj Judra harninera herekorohorna egi Jesus Jerusalemeja howarena,

Johnga 6:4

Egi Pasxa‐woruj Judra harninera herehikorohorna.

Johnga 7:30

Egi rus‐hiunjaxjinena, egi inke hisha nab‐rehinina, howagix earnira kheni higirenige esge.

Johnga 7:6

Egi Jesus wawagena: Howagix harnira kheni hingirenina eshi howagix hashiniwira hoishib hinigire harajena.

Johnga 8:20

Hoit’e de‐e Jesus jhiakohi shuroshueja wena, wohokhu‐hojhixeteja washa wagigusjane. Egi inke hisha nabrehinina, howagix earnira kheni jinige esge.