Hoixgara 6:9 - Winnebego Bible Portions 1907

⁹ Egi eja wawagaxhajojhinankhi nashinena Libertinera wawagaxhajojhira wigairera egi Sirenianra egi Aleksandrianra egi Kilikianra egi Asia‐eja howajira, she‐e Stephanga kitak‐hirena.

Hoixgara 6:9 ပူးပေါင်းရင်းမြစ်များ

Matthaiga 10:17

Eshi wankshig hinakewe khinianje woehieja harnini hahirekjanihawina, egi wohokhuhojhi warnineja washa pahi hinigipsinj hirekjanihawina.

Matthaiga 23:34

Esge horuxujwire, prophetra egi wang‐wanaiksabra egi wowagax‐hiperesra huwanigigi‐kjanihawina, egi hota d’ewarawianaga egi nanamiheja waraisaraijanihawina egi hota wohokhuhojhi washiniwieja washa pahi wawiraipsinsh‐janihawina egi jhinagra hirakhiware wawiraishana nanash’inkjanihawina.

Matthaiga 27:32

Egi harahairau wang Kirene‐eja hereisha hakijairena Simon higairera, e hiniharninarnaga naramihera gik’ingigirena.

Markga 13:9

Eshi hirakara‐uwianje, woehieja harnini‐hahirekjanihawina egi wohokhu‐hojhieja horniji‐hirekjanihawina. Egi washinukana jowehireja harnini‐hahirekjanihawina egi hung‐eja, rash harnira hawau, e wihohi hakikira kik’uinekjanena.

Lukga 21:12

Eshi kheni de‐e hereni, harninukos‐hirekjanihawina, egi hinigishanainekjanihawina, wohokhu‐hojhieja harnini‐hahirekjanihawina egi jhiwornasse hojhieja, egi hung jowehireja egi washa hirukanaija harnini‐hahirekjanihawina, rash harnira hawau.

Hoixgara 11:20

Egi hota Kiprus eja here hirena egi Kirene eja, e jaja Antiox‐eja hajiregi, hishge Hellenitra wawokit’airena, Hirukanara Jesus wawi‐hokhuinena.

Hoixgara 13:1

Egi Antiox‐eja prophet egi wawagaxhajawagigi wohokhu‐hojhieja nangra Barnabas egi Simon Niger higairena egi Lukius Kirene‐eja hereisha, egi Manaen e Herodes tetrarxra hakishu xetena egi Saulus.

Hoixgara 13:45

Egi jaja Judra worohanka wajairegi, wakiwassara rokana hirena, egi Paulus washa jagu era hagikira hit’airena egi kibahirena egi raxjashguni‐hirena.

Hoixgara 15:23

Egi wawagax hisha harni‐rewagigirena deshesge airena: Apostelra egi xetera egi wahkinubwira, hinikaragi rehirawina hikhinubwira hirarujeja hereraniwira, jarnaga Antiox‐eja egi Siria‐eja egi Silikia‐eja haranishawigi.

Hoixgara 15:41

Egi Siria egi Kilikia eahiwowena, wohokhu‐hojhira mashjawahi.

Hoixgara 16:6

Egi jaja Phrigia egi Galatia mara harnaj houinegi Naxirag Wakanjangra Asia‐eja hoit‐era wihokhura roxina,

Hoixgara 18:24

Egi Jud‐hisha Apollos higairera Ephesus‐eja jina, Aleksandria‐eja jhiuinera, wang wait’e waraphisha, egi wowagax hiperesra rokanana.

Hoixgara 19:10

Egi de‐e ma‐nupaha inkaga harushjainanina, egi jarnaga Asia‐eja jhiakhi harnaj Hirukanara Jesus hoit’e naxguinekjege Judra egi Hellenistra.

Hoixgara 19:26

Egi washjaharajena egi warnanaxgu‐harajena inke Ephesus‐regishana herenina eshi Asia mara jowe harnajna Paulus de‐e waraxurugshana egi wankshigra roha wakshahina, wena, inke mau hiranishe jarnaga nab hiuinegi.

Hoixgara 21:27

Egi jaja hamb hishagowira jowe harnaj herenagaja, Judra Asia‐eja howajiregi jaja Paulus wohokhu‐hojhixeteja hajairegi wankshigra harnaj warapuru‐hirena egi harukos‐hirena.

Hoixgara 21:39

Eshi Paulus wena: Ne Judrisha winena Tarsus‐eja hereisha Silikia jhinageja, jhinag xeteisha eja winena, egi ningitarna, wankshignagre wokit’e hingigire.

Hoixgara 22:19

Egi wahena: Hirukanara, hiperes‐nankshana jhiwawornassera egi wohokhu hojhieja wawajina jarnaga harnanixgura.

Hoixgara 22:3

Judra wang hisha wauanjena Tarsus‐eja hijhuinena jhinag Silikia‐eja hereanina. Eshi jhinag tegi hixetena Gamaliel si‐hieja, egi hianj‐hiwahiwira woehi harnira wogisogji hingigus hirena, egi washa wogisogji hiau Maura harnaxguna, hamb de‐e warniu harajane shesgena.

Hoixgara 23:34

Egi jaja hungananka wawagaxra hajagi, mowagax hajinja heregi higiwaxshana. Egi jaja hiperesgi Kilikiaeja herera, wena:

Hoixgara 24:18

Deshesge hajau Judra hota Asia‐eja howakirirena wohokhu‐hojhixeteja phiankik’u hajau hirerena, inke hornihexete hakishu haunina inke shige woxenina.

Hoixgara 26:11

Egi dejanki hawewaharna, wohokhu‐hojhira harnaj, egi hiniwarnianaga raxjashguni waharna, egi wajexira rokana wagikhina, jhinag hijahirashge hipa waiaishanana.

Hoixgara 6:10

Inke hakira ruxurug‐hiranina wowanaiksab egi naxirag wirokit’ajege.