Hoixgara 6:3 - Winnebego Bible Portions 1907

³ Esge hikhinubwira wangra shagowi hokiruxujwire wang wogisog hireshe wigairegi egi Naxirag Wakanjang hoixjira, egi wowanaiksab hoshura, e wore de‐e hirakara hiwagigikjawina.

Hoixgara 6:3 ပူးပေါင်းရင်းမြစ်များ

Matthaiga 23:8

Egi inke Rabbi higaire khiwinianje, hisha Hirukana hashiniwira, Kristus herena egi harnaj rakhikhinub‐wina.

Johnga 21:23

Egi hoit’e de‐e wakhinubra hokirag‐hirena, wironag de‐e inke d’arnikjanena. Jesus inke shesge higarnina, inke d’arnikjanena, eshi shegu unjeharnaga jaja hajigi, jagu ne‐jashunajegaja?

Hoixgara 1:15

Egi hambananka Peter nashina, wironagnanka horogeja egi wena: (Harnajra ejaxji hogwihishanaga egi kerepananup‐hashana,)

Hoixgara 1:21

Esge wangnagre, e wangakishu unangwina hoishib, Hirukanara Jesus horog‐hihiwiregi hoikawarnaga egi hihinabjera,

Hoixgara 10:22

Egi wairena: Kornelius manape hung hisha herera, wang phisha egi Maura nakeweisha herera egi wankshig howajehi Judra harnaj raphinena, Maura eja howaji horus waxopiniwarajireisha hiu ushirena, harnigu hahuirarnaga eojhieja horakewekjege egi hoit’e nanixgunkjege.

Hoixgara 15:23

Egi wawagax hisha harni‐rewagigirena deshesge airena: Apostelra egi xetera egi wahkinubwira, hinikaragi rehirawina hikhinubwira hirarujeja hereraniwira, jarnaga Antiox‐eja egi Siria‐eja egi Silikia‐eja haranishawigi.

Hoixgara 16:2

E wakhinubra Listra egi Ikonium‐eja‐nagra phi hornaxgunakshana.

Hoixgara 2:4

Egi harnaj Naxirag Wakanjangra hoixjinena, egi hit’e hijahi hit’e hajiarairena, jagu hit’airekjera Naxiragra e hit’et’e wagigina.

Hoixgara 22:12

Egi hisha Ananias higairera wang phisha herena, woehira exji herehijena, Judrananka harnaj washa phi hornaxgunankshana eja jhinangra.

Hoixgara 28:14

Eja wakhinubwira hiaewina, egi hambra shagowiha wakishu hiwusha roigigu hirawina. Deshesge hawianaga Romera hapahi tawina.

Hoixgara 6:2

Egi nup‐hashanara wagigoirena wironag worohanka hirahirekjawige egi wairena: Inke phininana Mau hoit’era hit’unawianaga egi warujeja wawagiregi.

Hoixgara 6:5

Egi jagu airega worohanka harnaj giphina. Egi Stephan gijainena, wang harnaxgura egi Naxirag Wakanjang hoixjisha herena. Egi Philipga egi Proxoraga egi Nikanoraga, egi Timonaga egi Parmenaga egi Nikolaga proselit hisha jhinag Antiox‐eja hereisha.

Hoixgara 6:6

E Apostel jowehireja washuirena egi jaja gikaraj rashjainigi nassueja wawassunsh‐hirena.

Hoixgara 9:30

Egi wakhinubra hiperes‐hiregi Kesarea eja harniahirena egi Tarsus eja howarehirena.