Hoixgara 3:6 - Winnebego Bible Portions 1907

⁶ Egi Peter wena: Shurasgara egi shurasira hijushgunina, eshi jaguisha harnira hornik’unkjanena: Jesus Kristus Nasaretheja herera rash harnira hiu, nashine egi manine.

Hoixgara 3:6 ပူးပေါင်းရင်းမြစ်များ

Matthaiga 10:9

Inke shurasira egi shige shurasga egi shige mas‐sii shuroshu washiniwieja hoshu hanirawiniaje.

Matthaiga 7:22

Hambeja roha waigekjanena, Hirukanara, Hirukanara, jasge inke rash hashinira wihowakhuwinishe? Egi rash hashinira hiauwianaga waxopinishishig jangra hopahaswinishe? Egi rash hashinira hiauwianaga wowakanjangra roha hauwinishe?

Markga 14:8

Hinug‐nagre jasge hiruxurugra unakshana. Hinug‐nagre jorni ro‐harnira wikini hingiwaxu jina hixairekjanera wagiu.

Markga 16:17

Egi washa woijanti de‐e wiuinekjanena harnaixgunegi: Rash harnira hiuinarnaga waxopinishishig jangra howahas‐hirekjanena, egi hit’e hijahi jeg hit’airekjanena.

Johnga 19:19

Egi Pilatus horagra wagaxshana, naramihe hihageja t’umpshana, egi wagaxra de‐erena: Jesus Nasaretheja herera, Judra hung harninera.

Hoixgara 10:38

Jasge hounahira Maura Jesus Nasareth‐eja herera Naxirag Wakanjangra hawaxuna egi homashjara, E rarnaga washophi una egi harnaj rushjawahina jarnaga waxopinishishig hawe‐hiuankhi, Maura hakishu unjege esge.

Hoixgara 16:18

Egi washa de‐e hamb roha shesge hina. Eshi Paulus najgerategshana, hakjampshana egi naxiragjega wagena: Jesus Kristus rash harnira hawau u‐ashina hinugjega eja hihinabre. Egi higuana howagixeja hihinabshana.

Hoixgara 2:22

Israel wangra hoit’e de‐e warnaxguwine: Jesus Nasaretheja herera, wang de‐e Maura wogisoghina horograwiregi woshga rokana una, egi wowakanjank, egi woijanti una Maura E ungigina, nishge hiraperes‐harajawina,

Hoixgara 2:36

Esge Israel jhira harnaj wogisogji hipereswire Maura Jesus de‐e Hirukana egi Kristus una, E naramiheja haraisarajwina.

Hoixgara 3:16

Egi rash earnira, harnaxgunge wauna egi rash earnira hiu wang de‐e shja hirare, e hashjarajena egi hiragiwina, harnaxgu wangagiuwina waunge de‐e rushjaxjina jowerawiregi unjane.

Hoixgara 3:5

Egi waworuxujina washok’uinekjanihe karakjampshana.

Hoixgara 3:7

Egi nab‐hoishoroija harukossana, egi nashingigina, egi higuana si warnira egi sikaho‐kshukshuna shjainena.

Hoixgara 4:10

Harnaj hiperes‐nikjanihawina egi Israel wankshigra harnaj, Jesus Kristus Nasaretheja herera rash harnira wauna, E naramiheja haraisarajwina, E Maura d’arnagre eja kikawa‐a howakirihina, E wauna, jowerawiregi wang howasha rushja nashinjane.

Hoixgara 4:7

Egi jaja jowehireja washuiregi, wawigiwax‐hirena, homashja jaguisha hish’uwianaga, egi rash jaguisha hish’uwianaga de‐e wash’uwishe?

Hoixgara 9:34

Egi Peter Aeneas wagena: Jesus Kristus rushjanina, nashine egi homig hashinira phinkune egi higuana kikawa‐ana.