Hoixgara 28:3 - Winnebego Bible Portions 1907

³ Egi jaja Paulus nanksig stohigi egi pejeja hashurna wakha shishighisha hotakaj wahas hihinabshana egi nabeja hassa‐hinakshana.

Hoixgara 28:3 ပူးပေါင်းရင်းမြစ်များ

Matthaiga 12:34

Wakha‐hipahi ning raniwira, jasge rawianaga nishishig harajege washa phi hishawininana, najge hashiniwira hawuhinshuanke i‐eja haxebnankshana.

Matthaiga 23:33

Wakha raniwira wakha hi‐pahi wankshighii raniwira, jasgerawianaga pej‐shishig haweja rakishib‐janihawishe?

Matthaiga 3:7

Eshi jaja Pharisera egi Sadusera roha niwawaxu harnieja hahiregi, wawagena: Wakhan wankshighii‐harajane, peshe hornigiragwigaja howogitegra jikjanegi ragigiaswishe?

Markga 16:18

Egi wakha‐hipahi ruainegi egi washa wit’ehi rajgaineshge inke washa waishga hiranikjanena, howashara wawikioiregi egi rushjainekjanena.

Hoixgara 28:2

Egi wankshig hijahinanka najojana inke xunu hingigirawinina. Pej hotuinena, egi harnaj hinus‐hirawina, nishujege egi sinihijege esge.

Hoixgara 28:4

Egi jaja hijahinanka wakhara nab‐earnieja howaronag hajairegi, wakigairena: Hisgexji wangde‐e wankshigd’ehisha heregaja, e tejanegi khishib niambnunige wakarakjera inke niamb‐giginigaja.