Hoixgara 26:6 - Winnebego Bible Portions 1907

⁶ Egi shegunegi woehi joweregi nashi hajegaja woinashira hawau Maura hianj‐hiwahiwira wamangirajra.

Hoixgara 26:6 ပူးပေါင်းရင်းမြစ်များ

Hoixgara 24:15

Egi woinashi Maura eja hapahi hakereajena, woinashi de‐e hishge hapenankshana, d’era hakiha wankshiginekjanena, phira egi wowongra.

Hoixgara 28:20

Deshesge hawau sto‐nishiwina, harnijakjawige egi hornikit’ekjawige. Israel wankshigra woinashi harninera hawau waigiuinena mas de‐e hinusgij hajane.

Hoixgara 23:6

Egi jaja Paulus hiperesgi hota Sadusera egi hijanenanka Pharisera waunankhi, mashja hit’et’ena woehieja, wangra egi hikhinubwira, Pharise harnina, Pharise hinighire harnina, woinashi de‐e hawau egi d’era hakiha wankshig‐hoinra hawau hiwesiwinena.

Hogusra 26:4

Egi su hashinira woroha wahakjanena wangregi wiragoshgenagre wawikhina. Egi su hashinira ma de‐e harnaj wak’unkjanena, egi su hashinieja howahi manegi wankshig howajehira harnaj washophi howairekjanena.

Hogusra 22:18

Egi su hashinieja howahi wankshig hokirajra harnaj maneginankhi washophi howairekjanena, ho‐arnira harnainagixgunge esge.

Hogusra 12:3

Egi washophi howe‐wahakjanena washophi howeninegi, egi washoshishig howekjanena, washoshishig howenigi. Egi ne‐hawau manegi jhinagra washophi howairekjanena.

Hoixgara 26:8

Jasgegaja washa de‐e inke harnaxgu phini hiranash’iwishe Maura d’era kikawa‐a wahi ruxurugra.

Hoixgara 24:21

Hoit’e de‐eshana hihena horog‐hireja nashinegi, d’era hakiha wankshig‐inekjanera haehara she‐e hawau hamb de‐e hishewessiwiwina.

Hoixgara 3:24

Egi prophetra harnaj Samuel epa egi jarnaga hageja herera, jarnaga hit’at’airera hishge hambnagre jornineja horaghirena.

Hogusra 49:10

Skeptra inke Juda khirujarni‐kjanena egi shige woehi wogara inke si hojakenainja khirujarni‐kjanena Shiloh jigi ejipa, wankshigra she‐e harnaxguinekjanena.

Hogusra 3:15

Egi hokikjekijab ninkjanihawina nenine‐anaga egi hinugjane, egi su washinira egi hinugjane su warnira. Egi nassu hashinira nanixux‐hirekjanena, egi sikerejgeja hasharaxjaikjanena.