Hoixgara 2:4 - Winnebego Bible Portions 1907

⁴ Egi harnaj Naxirag Wakanjangra hoixjinena, egi hit’e hijahi hit’e hajiarairena, jagu hit’airekjera Naxiragra e hit’et’e wagigina.

Hoixgara 2:4 ပူးပေါင်းရင်းမြစ်များ

Matthaiga 10:19

Eshi jaja nirus‐hirawigi inke wewiwinianje jagu hishekjanihawigi, hornikuinekjanihawina howagixeja jagui‐shekjawira.

Markga 16:17

Egi washa woijanti de‐e wiuinekjanena harnaixgunegi: Rash harnira hiuinarnaga waxopinishishig jangra howahas‐hirekjanena, egi hit’e hijahi jeg hit’airekjanena.

Lukga 1:15

Egi Hirukanara washaxji hiranainkjanege esge. Egi inke nishujra egi shige washa shja rajganikjanena. Egi Naxirag Wakanjangra hoixjinkjanena hiunira ujganag’nakhishge shesgekjanena.

Lukga 1:41

Egi jaja heregi Elisabeth, Maria hikaragijega naxgungi, ninkjangnaka uj‐rogeja da’dampjirena, egi Elisabeth Naxirag Wakanjangra hoixjina.

Lukga 1:67

Egi hianjra Saxarias Naxirag Wakanjangra hoixjina egi prophetajirena, wena:

Lukga 12:12

Naxirag Wakanjangra nigiguiskjanena howagixeja jagu hi’shekjegi.

Lukga 21:15

I‐junikjanihawina egi wanaiksab‐ninkjanihawina, harnikira nangwigi inke khibanigigi ruxurug hiranikjanihawina inke shige niwajis ruxurug hiranikjanihawina.

Lukga 4:1

Egi Jesus Naxirag Wakanjangra hoixjingi, Jordan eja unjegi kerena, egi Naxiragra wauna mojainainja howarehina.

Johnga 14:26

Egi Warukhegra, Naxirag Wakanjangra erena, Hianjihiwira huhikjanena rash harnira hawau, E washara harnaj ningigus‐hikjanihawina, egi washara harnaj wakewewinikjanihawina jagu hinigarnihera.

Johnga 20:22

Egi jaja deshesge e‐gi wowexuna egi wawagena: Naxirag Wakanjangra shuruswina.

Hoixgara 1:5

Johnga hisgexji ni wagiuna wawaxura, eshi Naxirag Wakanjangra harni‐waxunkjanihawina inke hambra rohani epa.

Hoixgara 1:8

Eshi homashja hashinikjanihawina, Naxirag Wakanjangra hiranijiwigi hageja, egi ne worag harninikjanihawina Jerusalemra, egi Judeara harnaj egi Samariara egi manegi harixjinankhi woragi‐sharagikjanihawina.

Hoixgara 10:46

Hoit’e hokiraj hit’e warnaxguinena egi Maura mashja rajangnankshana. Egi Peter horniharna,

Hoixgara 10:47

Jasge hisha nira hiraja hinashe, wankshig de‐e inke ni‐wawaxu hiranina, e Naxirag Wakanjangra harni‐wagigiregaja jawangasgawira hiwikisgawina?

Hoixgara 11:15

Egi hiat’et’e hajitegaja Naxirag Wakanjangra wirajina jeg hojikerehieja wanga‐uwina shesgairena.

Hoixgara 11:24

E wang phisha herena egi Naxirag Wakanjangra hoixji egi harnaxgura. Egi wankshigra rohaxji Hirukanara eja hornashina.

Hoixgara 13:52

Egi wironagra wogishawara rokana hirena egi Naxirag Wakanjangra hoixji hirena.

Hoixgara 13:9

Egi Saulus e hishge Paulus higairera Naxirag Wakanjangra hoixjina horuxuj‐jena,

Hoixgara 15:8

Egi Maura, E najgera wawiperes‐jena, wawogiragshana Naxirag Wakanjangra wawogaga wangagiuwira shesgena.

Hoixgara 19:6

Egi jaja Paulus nab harnira nassu hihageja wat’umbgi Naxirag Wakanjangra wawirajina, egi hit’e jeg hit’e hajiarairena, egi prophet‐hajiarairena.

Hoixgara 2:11

Kretra egi Arabianra, hit’e hiwarniwira hit’arnank hiwarnaxguwingaja Maura wore rokana harnira waungaja.

Hoixgara 2:3

Egi eja janti‐wagigirena resi jakishanke pej‐nisge, egi harnaj hishashana harnashinena.

Hoixgara 4:31

Egi jaja Mau gikarajra rashjainegi, hounanka hixgana hajinja stonagra, egi harnaj Naxirag Wakanjangra hoixjinena, egi Mau hoit’era winuankhuni airena.

Hoixgara 4:8

Egi Peter Naxirag Wakanjangra hoixjina, wawagena: Wankshig hirukana raniwira, egi Israel xete raniwira,

Hoixgara 6:3

Esge hikhinubwira wangra shagowi hokiruxujwire wang wogisog hireshe wigairegi egi Naxirag Wakanjang hoixjira, egi wowanaiksab hoshura, e wore de‐e hirakara hiwagigikjawina.

Hoixgara 6:5

Egi jagu airega worohanka harnaj giphina. Egi Stephan gijainena, wang harnaxgura egi Naxirag Wakanjang hoixjisha herena. Egi Philipga egi Proxoraga egi Nikanoraga, egi Timonaga egi Parmenaga egi Nikolaga proselit hisha jhinag Antiox‐eja hereisha.

Hoixgara 6:8

Egi Stephanga harnaxgura egi homashjara hoixjinjena, egi wowakanjank egi woijanti rokana wankshighorogeja unjena.

Hoixgara 7:55

Egi Stephanga Naxirag Wakanjangra hoixjinjena wangregi horuxuj‐jena egi Maura gloria harnira hajarna egi Jesus Maura nab‐hoishorohieja nashinje hajarna.

Hoixgara 8:17

Egi Apostelra nab warninera wik’uinarnaga nassueja wawassunsh‐hirena egi Naxirag Wakanjangra rus‐hirena.

Hoixgara 9:17

Egi Ananias rena egi jhieja hokewena, egi nab harnira hirawasunsh‐shana wena: Hikhinubra Saul, Hirukanara Jesus janti‐ningikhina naguregi haji, E huingigina, washjakjege egi Naxirag Wakanjangra hoixjine.