Hoixgara 15:7 - Winnebego Bible Portions 1907

⁷ Egi jaja kikitagra rokana wairegi Peter nashina egi wawagena: Wangra egi hikhinubwira, hirapereswina, sireja Maura horogregi wangaijawina, hirarujeja herera hoit’e woragphira naxguinekjanera i‐harninegi howahira egi harnaxguinena.

Hoixgara 15:7 ပူးပေါင်းရင်းမြစ်များ

Johnga 15:16

Inke hinaijawinina, de‐eshi ninjawina, egi ninkerewina, sharawigi has hamininaikjanihawina, egi has washiniwira hijarnagikjanena, she‐e hawau Hianjihiwira jagurisha hiragawigi rash harnira sharajwigi hornik’unkjanihawina.

Johnga 3:27

Johnga horniharna egi wena: Wankshigra inke washa hisha kirus‐ruxurugninana, inke wangregi howaji hok’uinanigi.

Hoixgara 1:16

Wangra egi hikhinubwira, wowagax de‐e exji herera phina, e Naxirag Wakanjangra jornineja Dawid e‐gigige wena: Judas haehi, e wajoginige Jesus harukos‐hirena.

Hoixgara 1:24

Egi gikaraj‐hirena egi wairena: Hirukana ranira, wankshigra harnaj najgera wiraperes‐rajegaja, hipereswiwine nup hajane waraijangi.

Hoixgara 10:19

Egi Peter washanjara wewinank’u, Naxiragra wagena: Horuxujre wangra dani hornini hajena.

Hoixgara 10:20

Esge nashinge egi harnukanagke egi wakishu rare inke washanisha khibahinine, Ne reningigina.

Hoixgara 13:2

Egi Hirukanara gikarajnank’u egi hantaginaj‐nank’u, Naxirag Wakanjangra wena: Injab waigigire Barnabas egi Saulus e wore u‐washikjanena.

Hoixgara 15:14

Simon horagshana, Maura jasge hounahianaga hirarujeja herera jorni wirahigi, wankshignanka eja warusanaga rash harnira harniwagigina.

Hoixgara 15:2

Esge jaja Paulus egi Barnabas wakhiba‐wakhira inke xununira, egi wakitak‐hirena, wowewira hakishjeg‐hirena, Paulus egi Barnabas egi hijanera hisge Jerusalem‐eja howarairanaga Apostelra egi xetera de‐e wawigiwax‐hirekjege.

Hoixgara 15:39

Egi kikitagra rokana wairege khiruje‐hirena egi Barnabas Markus russana egi wajowe Kiprus‐eja howarena.

Hoixgara 20:24

Eshi washa de‐e inkisha naxirewinijena, inke shige wankshighoi harnira wakaragixetenina, hornag harnira wogishawa hiu waishibikjege, egi wore e Hirukanara Jesus eja hotusra woragphi Maura najwoja harnira hotaikjege.

Hoixgara 21:16

Egi shige wironagra hota hinkishu harairawina Kesarea‐eja here, egi Mnason higairera Kiprus‐eja hereisha, wironag shag hisha herena, eja hinihahirawina, e hakishu hajhikjawige.

Hoixgara 3:18

Egi washa de‐e, Maura jornineja horagshana, prophet warnira harnaj horag‐wagigina, Kristus jasgegi hawekjanera, shesge hina.

Hoixgara 4:25

Ne wa’shegaja ware hashinira Dawidga horag‐ragigina, wena: Jagu‐u hirarujeregi herera wogiteg‐hiranaga woxehinankshe, egi wankshigra washa hoinigexji wewinankshe?

Hoixgara 9:15

Eshi Hirukanara wagena: Ranane, e wiroku hiaunkje gijainena, rash harnira harniunkjege hirarujeja herera jowehireja egi hungeja egi Israel ninkjangeja.