Hoixgara 14:3 - Winnebego Bible Portions 1907

³ Egi eja sixji hiwushairena, inke nuwangni Hirukanara horagnankshana. E hiraijera shja‐giginankshana hoit’e najwoja harnira, egi woijanti egi wowakanjang wagiuna nab warnineja howahi.

Hoixgara 14:3 ပူးပေါင်းရင်းမြစ်များ

Markga 16:20

Egi harairena, egi wahokhura harnaj houinena, Hirukanara ware wakishu una, egi hoit’era shjawahina washa woijanti hiu‐wagigiga. Amen.

Johnga 4:48

Egi Jesus wageshguni: Inke washa wijanti egi wowakanjangra hashjawinigi inke harnanaxguwininana.

Hoixgara 13:46

Egi Paulus egi Barnabas wa’shoshe jijerena, egi wena: Mau hoit’era jorni ne hironikit’awigi phinana, eshi hajhawina shawajiswina egi inke wankshighoi hisgejaija here phi hiranana‐kikiwinina, horuxujwire, hirarujeja herenagre eja wawatekjanihawina.

Hoixgara 2:22

Israel wangra hoit’e de‐e warnaxguwine: Jesus Nasaretheja herera, wang de‐e Maura wogisoghina horograwiregi woshga rokana una, egi wowakanjank, egi woijanti una Maura E ungigina, nishge hiraperes‐harajawina,

Hoixgara 20:24

Eshi washa de‐e inkisha naxirewinijena, inke shige wankshighoi harnira wakaragixetenina, hornag harnira wogishawa hiu waishibikjege, egi wore e Hirukanara Jesus eja hotusra woragphi Maura najwoja harnira hotaikjege.

Hoixgara 20:32

Egi hikhinubwira, Maura eja hornitushjarehawina egi najoja hoit’e harnieja, E dire‐hi ninuxurughajena egi hoishjara hornik’unkjanihawina horogeja jarnagakhi e wakanjang‐wahira wogarna.

Hoixgara 4:31

Egi jaja Mau gikarajra rashjainegi, hounanka hixgana hajinja stonagra, egi harnaj Naxirag Wakanjangra hoixjinena, egi Mau hoit’era winuankhuni airena.

Hoixgara 5:32

Egi washa de‐e horagra winehajena, egi Naxirag Wakanjangra hishge shesgena, E Maura wogarna jarnaga harnaxgura.