Hoixgara 11:1 - Winnebego Bible Portions 1907

¹ Egi Apostelra egi wakhinubhirera, e Judea‐eja unankhi naxguinena, hirarujeja herera hishge Mau hoit’era rus‐hiregi.

Hoixgara 11:1 ပူးပေါင်းရင်းမြစ်များ

Hogusra 49:10

Skeptra inke Juda khirujarni‐kjanena egi shige woehi wogara inke si hojakenainja khirujarni‐kjanena Shiloh jigi ejipa, wankshigra she‐e harnaxguinekjanena.

Matthaiga 2:1

Egi jaja Jesus Bethlehem Judea moagaxeja jhuinegi, Herodes hungra wankshig‐iniharegi, horuxujre, wang wanaiksab wiaxebhuregi howaji Jerusalem‐eja hajirena.

Matthaiga 8:11

Egi hinigawina, roha wiaxebhuregi egi wioireregi howajirekjanena egi Abraham egi Isaak egi Jakob hungma wangregi wakishu minaghirekjanena.

Markga 16:5

Egi wanaxi‐hoshueja hokawairegaja, hajairena wanghojinji hisha hoishoroija minaganakshana, wonashi serej sgaisha hornashi, egi naxirairena.

Lukga 2:32

Hohambra hirarujeregi herera hohamb wagigikjanena, egi wankshig washinira Israel warajankhirekjanena.

Hoixgara 1:15

Egi hambananka Peter nashina, wironagnanka horogeja egi wena: (Harnajra ejaxji hogwihishanaga egi kerepananup‐hashana,)

Hoixgara 11:29

Egi wironagra jarnagaka jasgeshana hiruxurughirera uinena, wakhinubhirera Judea‐eja jhinanka wagijire rehirekje hirairege,

Hoixgara 14:27

Egi jaja hakiriregi, egi wohokhu‐hojhira stoirena, Maura jasgewagigira horaghirena, egi jasge Maura hounahianaga hirarujeja herera harnaxgura jhirobra wagiruhasgi.

Hoixgara 15:3

Egi wohokhu‐hojhi hakishu harairawina, Phenike egi Samaria e hahiowairena, horaghirena hirarujeja herera wakshainegi, egi wakhinub‐hirera harnaj wogishawara rokana wahirena.

Hoixgara 28:15

Eja tawira, jaja wakhinubwira naixguhirawigi, Appii Forum eegi hikhiware hojhi danieja hipa hajirena. E Paulus jaja wajara Maura wainginapshana egi himashjana.