Hoixgara 1:2 - Winnebego Bible Portions 1907

² Hamb wangregi howarniankarairega ejipa nigipagaxshana, egi Naxirag Wakanjangra hiu Apostelra uwashira wogarna, e waijara.

Hoixgara 1:2 ပူးပေါင်းရင်းမြစ်များ

Matthaiga 12:28

Eshi Maura naxirag harnira hiauanaga waxopinishishig jangra hopahas‐hajege, Maura hung‐ma harnira hiranijiwina.

Matthaiga 3:16

Egi jaja Jesus ni‐hawaxuinegi, higuana nieja anjinakshana. Egi horuxujre, wangregi giruhas hirena, egi Maura Naxirag harnira harnukanag‐hu hajarna, rujgesga hikisge, egi hasherena.

Markga 6:30

Egi Apostelra Jesus eja sto‐khinena, egi washara harnaj hogirag‐hirena jagu uinegi egi jagu wagigushiregi.

Lukga 24:51

Egi herena hopiowe warogigujau wat’una kerena, egi wangregi howakerena.

Lukga 9:51

Egi herena hambra higirerahena wangregi howaji rus‐hirekjanena, Jerusalem‐eja hapahi rahena.

Johnga 1:16

Egi hoixji harnijena harnaj eja horuiskjanihawina, najwojara egi shige najwojara.

Johnga 13:1

Egi Pasxa worujra kheni hereni, Jesus hiperessana howagix earnira jira, ma‐degi nige howakerekjanena Hianjra‐eja, wawogixetejena ewarnira manegi u‐nagra, wawogixetejena hoshejainja hipa.

Johnga 13:18

Hiat’at’are inke harnaj wanigawinina. Hiaperessana peshe waijana. Eshi wowagaxra jagu era shesgekjanena. E waisgabruj hakishu haunakshana, sikerejgera kuruana hinkirana.

Johnga 13:3

Jesus hiperesjena, Hianjra washara harnaj wok’una nab‐earnieja wogishuna, egi Maura eja howajira, egi Maura eja howakerekjanena.

Johnga 16:28

Hianjihiwira eja hurna, egi manegi hajina, egi shige managre hat’untekjanena egi Hianjihiwira eja wawakerekjanena.

Johnga 17:13

Shegunegi hiranigikjanena, egi washa de‐e maneginagre wirowakit’ajena, e wogishawa harnira harnaj exji harninekjege esge.

Johnga 20:17

Jesus hinugjega wagena: Inke hinkiornine, kheni wangregi wawakaranianjena Jajiga eja. Eshi wakhinubra eja howarare egi wawagaje, wangregi wawakerena Jajiga eja egi Hianjrawiga eja, egi Mau harnira egi Mau hashiniwira eja.

Johnga 20:21

Egi Jesus shige wawagena: Rashgunira harakishu sh’u‐harajena. Jajiga egi howahuigigira, shesge hikisge nishge re‐ningigiwina.

Johnga 3:34

Esge E Maura hugigina, Maura hoit’e harnira a‐jena, esge Maura inke Naxiragra higus hok’unina.

Johnga 6:62

Jasgarnashe, Wankshig‐hinigra wangrowakere hashjawigi, hajinja jorni hounjera eja?

Johnga 6:70

Jesus wornigiharna: Inke nup‐hashanara nijawinishe, egi hisha waxopinishishig raniwina?

Hoixgara 1:11

E wairena: Wang Galilea‐eja herera jagu‐u nanashiwianaga egi wangregi shewesiwi harajeshe? Jesus de‐e, E ningirus hirawire wangregi howakarare shige shesge jikjanena, wangregi howakere hashjawire shesge.

Hoixgara 1:13

Egi jaja hoikawairegi, jhiwangeja hahirena, eja hiwushairena Peter egi Jakob egi John egi Andreas, Philip egi Thomas, Bartholomeus egi Mattheus, Jakob Alpheus hinigra egi Simon Selotes egi Judas Jakob khinubra.

Hoixgara 1:22

Johnga niwawaxu jeghojikerehi harnieja ejipa egi hambeja wangregi wangakurus‐hirawira, wihohira hisha hakishu hiuwingi phinana hakiha‐wankshig‐inra horag.

Hoixgara 1:9

Egi jaja washa de‐e arnakhi, horuxuj‐nank’u, wangregi howakerena, egi maxiwi rus‐hirena inke hinupahara hajairanina.

Hoixgara 10:38

Jasge hounahira Maura Jesus Nasareth‐eja herera Naxirag Wakanjangra hawaxuna egi homashjara, E rarnaga washophi una egi harnaj rushjawahina jarnaga waxopinishishig hawe‐hiuankhi, Maura hakishu unjege esge.