Hogusra 8:21 - Winnebego Bible Portions 1907

²¹ Egi Jehowa horupanana pana phira. Egi Jehowa najge harnieja wena: Inke shige hinupahana managre washoshishig howe harnikje wankshignagre eja hawau, wankshignagre najgewarninera wowewira shishig hirege, xununig hiregi epa. Inke shige washa niambra harnaj d’ewahara, shesge harnikje.

Hogusra 8:21 ပူးပေါင်းရင်းမြစ်များ

Hogusra 3:17

Egi Adam wagena: Hijawinaga harnanakaraxgunge egi unishira naisha inke raj‐nikje hinigera raj‐shana, esge manegi hoshishig‐howenikjanena ne‐warakik’unge, jajaixji wankshig‐shiranishegi harawexjingishana waraijanena.

Hogusra 4:12

Jaja max horashugi howarehi‐kjanare epa homashja harnira inke harnigi xebnikjanena. Ruxaire‐ranianaga egi hojaina horaje ma hihagregi ranikjanena.

Hogusra 5:29

Egi rashra Noah higena, wena: De‐e e wangarukhegkjanihawina wore hiwarniwieja egi washa wojexi hawe harniwieja manegi howajira, e Maura hoshishig‐howe hira.

Hogusra 6:13

Egi Maura Noah wagena: Rora harnaj hosheja harninera joweharegi jina, mara wigishanara hoixji hirena, egi horuxujre maisinsh wahakjanena mara wakishu.

Hogusra 6:17

Egi horuxujre, ne nexji managre hihagra ninja hakjanena, rora harnaj jarnaga niamb‐ankhi maxi‐khuhanegi nagre, maisinsh hirekjege, egi jarnaga washara harnaj ma hihagregi nagre d’airekjanena.

Hogusra 6:5

Egi Maura hajarna manegi wankshigra howowongra rokananagra egi harnaj wowewi warninera egi warogu warninera harnaj najgeja howaji hoishib washoshishigrashana hererena.

Hogusra 6:7

Egi Jehowa wena: Wankshigra waura maisinsh wahakje ma hihagreginagra, wankshigra egi wanoijgera egi washa kikurutira egi ahuirassa wangregi herera, hiakibarna wawau harnihera.

Matthaiga 15:19

Najge‐eja howajiakshana wowewi shishigra, wankshigd’ehira, kikanag‐rushera, hikikshakshara, wamanura, retungra egi waraxjashgunira.

Johnga 3:6

Hisha horo wankshighi‐ingi, roisha herenana, egi hisha Naxirag wankshighi‐ingi naxiragisha herenana.