Hogusra 48:21 - Winnebego Bible Portions 1907

²¹ Egi Israel Joseph wagena: Horuxujre, jhekjanena, eshi Maura harnikishu unkjanena, egi hianj‐waraga ma harnineja harnini‐gikjanena.

Hogusra 48:21 ပူးပေါင်းရင်းမြစ်များ

Hogusra 12:5

Egi Abram hijawira Sarai hakaraninena egi khinubra hinigra Lot egi washara jarnaga ruxurughire harninankhi egi naxiragra jarnaga Haran eja harninankhi. Egi Kana‐an mainja howarairena, egi Kana‐an mainja hahirena.

Hogusra 15:14

Egi hishge wankshig howajehi she‐e warnihi warnijega, woehi harnieja wat’untekjanena, egi hageja (wankshig washinira) washara rokana harni‐hihinab‐hirekjanena.

Hogusra 15:16

Eshi wankshig‐hoi hijop‐eja shige hakirirekjanena. Amoritra wigishana harninera kheni hoixjininanke.

Hogusra 26:3

Ma‐tegi wakuruxare egi harnikishu haunkjanena egi washophi howenikjanena, ne‐ninearnaga egi su hashinira ma de‐e harnaj wornik’unkjanena egi wiho hara hakark’unkjanena Abraham wiho hagigira hianjraga.

Hogusra 28:15

Egi horuxujre, harnikishu hauanjena, egi higu hajinja horawasheregi hirani‐karakjanena, egi ma‐tegi shige harnini‐hakirikjanena. Inke nintutanikjanena egi jagu manigitajre harnaj hak’ungi epa.

Hogusra 37:1

Egi Jakob hajinja hianjra mawakuruxenihera Kana‐an mainja ma eja jhina.

Hogusra 46:4

Egi Egipt‐eja harnikishu hahikjanena, egi jasgegi shige hakja harnini hakirikjanena. Egi Joseph nab harnira hikuanaga hishjasu washinira warnigi‐waisgabkjanena.

Hogusra 47:29

Egi Israel d’ekjera hiwusunsh hogitarna, egi hinigra Joseph karagigorna, egi wagena: Hishja joweraregi najhojaine hiakiegi, ningitarna, nab hashinira hik’unge regokanag khuhanegi howewine, egi woiragixetegi kawahare egi washa wogisog hingiune ningitarna inke Egipt manegi hinxarnine.

Hogusra 50:24

Egi Joseph wakhinubra wawagena: Jhekjanena egi Maura jasgegi homanikini jikjanihawina egi ma‐tegi harni‐hinihinab‐hikjanihawina egi ma‐eja harnini‐gikjanihawina e Abraham wihogigira eja, egi Isaak egi Jakob.

Hogusra 50:6

Egi Pharaoh wena: Rare egi hianjraga karaxare, jasge wihohi‐ningigigi shesge.

Lukga 2:29

Hirukanara shegunegi ware hashinira rashguni khirujekjanena, shesge hunagisharagra hoit’e hashinieja.

Hoixgara 13:36

Egi Dawidga wankshig‐hoiniheja Mau woshga harnira hiuna nana, egi hianj‐wahieja t’umbhirena egi d’ek hajairena.