Hogusra 43:16 - Winnebego Bible Portions 1907

¹⁶ Egi jaja Joseph Benjamin hakishu hahirera hajagi, jhi hirukana harnira wagena: Wang de‐e jhieja warnikarare, egi wanoijge d’ehige egi hirushja wahire, wangnagre wirarojonjegi waruj wakishu haunkjanena.

Hogusra 43:16 ပူးပေါင်းရင်းမြစ်များ

Hogusra 15:2

Egi Abram wena: Jehowa Maura jaguisha hunakunkjaneshe, hashjarajena ninkjang jushguni hauanjera, egi Elieser Damaskus eja herejane e wajhiregi hoishjarera earnikjanegaja?

Hogusra 21:8

Egi ninkjangra xetena, egi was‐ira rushjangigirena. Egi Abraham hamb‐eja woruj‐xeteisha una Isaak was‐ira rushjangigirega eja.

Hogusra 26:30

Egi woruj‐xete wagiuna egi waruj‐hiranaga egi rajgainena.

Hogusra 31:54

Egi Jakob nab‐hiruxajra d’ehina, xe hihageja, egi wakhinubra wagigorna waisgabduj ruj‐hirekjege, egi waisgabduj ruj‐hirena egi haiserej xe‐eja hiwushairena.

Hogusra 43:17

Egi wang‐jega una Joseph jagu ushira, egi wang‐jega wangnanka Joseph hojhieja warnigina.

Hogusra 43:19

Egi Joseph jhi hirukana harnira hirahirena, egi hokit’airena jhirob‐eja.

Hogusra 44:1

Egi Joseph jhi hirukana harnira ushina wagena: Wangnagre pa warninera warujra hoixji wogishure, jarnaga k’in ruxurug hiregi, egi wangnaka harnaj shura warninera pa ihaija wogishuaje.

Hogusra 44:4

Egi jaja jhinagra hagixeb‐hiranaga, egi kheni hari hagirani Joseph jhi‐hirukana harnira wagena: Xapgigige, wangra waruxare, egi jaja waworaxeregi, wawagaje, jagu‐u washophi ningiuwina washoshishig woirowe hinagigiwishe?