Hogusra 41:56 - Winnebego Bible Portions 1907

⁵⁶ Egi dokewehira managre harnaj howena. Egi Joseph waruj hoshura harnaj waruhas‐shana, egi Egipt wankshigra wawigiruwina. Egi dokewehira Egipt mara hiraijera rokanana.

Hogusra 41:56 ပူးပေါင်းရင်းမြစ်များ

Hogusra 12:10

Egi eja mara dokewehi wahina. Egi Abram Egipteja howarena ma‐wakuruxe jhina, mara dokewehi wahira rokanage esge.

Hogusra 41:30

Egi she‐e hageja ma shagowiha mara dokewehi‐kjanena, egi Egipt manegi wojanihera wakikununi hirekjanena, egi dokewehira mara jeb‐ikjanena.

Hogusra 41:35

Egi ma phi hajirekjanega eja waruj sto‐hiaje, egi Pharaoh waisgab khirujgusre egi jhinagregi waruj shuirekjena.

Hogusra 41:55

Egi jaja Egipt mara harnaj dokewehi hiregi, wankshigra Pharaoh waisgab gitairena. Egi Pharaoh Egipt wankshigra harnaj wawagena: Joseph e howarawire, jagu hinigawigi uwianje.

Hogusra 41:57

Egi ma hijahina harnaj Egipt eja hajirena Joseph waisgab giruwi hajire, dokewehira mara harnaj rokanainege esge.

Hogusra 42:6

Egi Joseph manaka hirukanajena, egi e ma‐eja waruj wankshig‐nanka harnaj wawigiruwijena. Egi Joseph wakhinubra hahiranaga egi jowehieja wakhu‐hirena hishjara mainja herehi.

Hogusra 43:1

Egi dokewehira manaka rokanana.

Lukga 21:35

Mas‐haraxjag higiunisge wagigirekjanena jarnaga ma‐ihagregi uankhi.

Hoixgara 17:26

Egi wankshig‐hokirajra harnaj wa‐ira hishankira waunankshana maihagra harnaj hojhinagre, egi jornineja wawagiuna jajanagi hereanaga egi hajinja jhirekjanera.