Hogusra 31:3 - Winnebego Bible Portions 1907

³ Egi Jehowa Jakob wagena: Hianj‐waraga ma harnineja hakja howakarare egi washa‐waraija, egi harnikishu haunkjanena.

Hogusra 31:3 ပူးပေါင်းရင်းမြစ်များ

Hogusra 13:15

Mara jasgexji hashjaga hornik’unkjanena egi su hashinira manegus.

Hogusra 21:22

Egi wauinena shejananegi, Abimelex egi Phixol manape hung xetera manape warnira Abraham hokit’airena, wairena: Maura harnikishu unjegaja higu jagu sh’unga.

Hogusra 26:24

Egi Jehowa hahe‐eja jantingi‐khina egi wena: Hianjraga Abraham Mau harnira newinena. Inke naxiranine, harnikishu hauanjege, egi washophi howenikjanena egi su hashinira roha harekjanena ware harnira Abraham hawau.

Hogusra 28:13

Egi horuxujre, Jehowa hihageja nashinjena egi wena: Newinena Jehowa Mau Abraham harnira hianjraga. Egi Mau Isaak harnira ma horaming‐shawangre hornik’unkjanena egi su hashinira.

Hogusra 28:15

Egi horuxujre, harnikishu hauanjena, egi higu hajinja horawasheregi hirani‐karakjanena, egi ma‐tegi shige harnini‐hakirikjanena. Inke nintutanikjanena egi jagu manigitajre harnaj hak’ungi epa.

Hogusra 28:4

Egi Abraham najojaine harnira hornik’unkjanena, ne‐nineanaga egi su hashinira wakarakishu, managre eja warakuruxarajera hashinikjanena, e Maura Abraham hok’ura.

Hogusra 30:25

Egi herena, jaja Raxel Joseph harnigi, Jakob Laban wagena: Kere‐hingigire, ma‐wajabeja wawakerekjena, maharnieja.

Hogusra 31:13

Maura newinena Bethel‐eja janti‐ningikhira, hajinja wijantira wikini hashawaxura, egi hajinja washa manaj hisha mainagisharajra. Egi shegunegi nashine, ma‐tegi nige howakarare egi washa‐warara ma harnineja hakja howakarare.

Hogusra 31:18

Egi wanoijge warnira harnaj wakaranina egi washa warnira harnaj, jarnaga ruxurugra, wanoijge warnira e Mesopotamia‐eja waruxurugra, hianjra Isaak eja howakerena Kana‐an mainja.

Hogusra 31:2

Egi Jakob Laban hishja harnira hajarna, egi horuxujre, inke jorni hapahira jasge‐shunura shesgarnira.

Hogusra 31:4

Egi Jakob rewagigina egi Raxel egi Lea wagigoirena gixaija hahirekjege, hornihe warnieja,

Hogusra 32:10

Jarnaga naj‐hiroirajara worujis‐jira inke hiakisgarnina, egi wogisogra harnaj, e ware hashinira ragisha‐wahara. Hissagu harninashana hakarani Jordan de‐e hatujera, egi shegunegi hornihe nup harnigaja.

Hogusra 32:5

Egi je‐waruti harnina egi shungxete‐najawaxete egi wanoijge hornihe egi wang‐ware egi hinug‐ware. Egi hirukana harnixji hogirag re‐warnigigina joweraija naj‐hunaja hiaekjege.

Hogusra 32:9

Egi Jakob wena: Jaji Abraham Mau harnira egi jajiga Isaak Mau harnira Jehowa, e waigena, ma hashinieja hakja howakarare egi washa‐waraija, egi phi ningigikjanena.

Hogusra 35:1

Egi Maura Jakob wagena: Nashine egi Bethel e howarare, egi eja jhiaje. Egi Altar hisha Maura giuanje E eja janti‐ningikhina, Esau rakhinubra ragigiasregi.

Hogusra 35:3

Egi hinashiwinge egi Bethel howairekjawina, egi eja nab‐haruxaj haura Maura hagiunkjanena, E hamb hawe haruieja hornigi‐harna, egi hinkishu una nige wawatera.

Hogusra 50:24

Egi Joseph wakhinubra wawagena: Jhekjanena egi Maura jasgegi homanikini jikjanihawina egi ma‐tegi harni‐hinihinab‐hikjanihawina egi ma‐eja harnini‐gikjanihawina e Abraham wihogigira eja, egi Isaak egi Jakob.