Hogusra 27:29 - Winnebego Bible Portions 1907

²⁹ Wankshigra wanigirairekjanena egi wankshig hokirajra ningiwaku‐hirekjanana. Warakhinubra wawishurukanakjanena, egi hiuniraga hinig‐wahira ningiwakhuhirekjanena. Higu peshe washoshishig howenigi, washoshishig howekjanena. Egi higu peshe washophi howenigi, washophi howekjanena.

Hogusra 27:29 ပူးပေါင်းရင်းမြစ်များ

Hogusra 12:3

Egi washophi howe‐wahakjanena washophi howeninegi, egi washoshishig howekjanena, washoshishig howenigi. Egi ne‐hawau manegi jhinagra washophi howairekjanena.

Hogusra 25:33

Egi Jakob wena: Hamb de‐e wiho hingigire, egi wihogigina, egi Esau jegjuine harnira Jakob wigiruwina.

Hogusra 27:30

Egi herena Isaak higu jaja Jakob naj‐hojara girashjangi egi Jakob higu hihinabgaja hianjra Isaak jowehieja unjera, khinubra Esau nakikarara kirina.

Hogusra 27:37

Egi Isaak horniharna egi Esau wagena: Horuxujre, hirukana hashinikje hauna, egi wakhinubra harnaj wawak’una ware warnikjege. Egi waisgab egi nishuj wak’una, egi hinig‐haxji jagu ningiunk’jeshe?

Hogusra 27:40

Egi wigijgux hashinira hik’u nina‐aimbkjanena, egi rakhinubra waragi‐sherekjanena. Egi hahi herekjanena hirukana ranikjanena, egi winapinra ragishish‐hikjanena jashe hashiniejagra.

Hogusra 37:10

Egi hianjra hogiragshana egi wakhinubra wogiragshana. Egi hianjra Joseph najisgina egi wagena: Hohante jaguisha hereshe hirahantere? Jasge newine‐anaga egi hiuninaga egi warakhinubra hirani‐hiwianaga mainja ningipa‐khukjawishe?

Hogusra 37:7

Horuxujwire, max‐eja waisgab hinusgij hajera egi horuxujwire waisgab horusgij harnira kikawa‐ana egi roja nashina, egi horuxujwire waisgab horusgij washiniwira hogigix nashinena egi waisgab horusgij harnira giwakhu hirena.

Hogusra 9:27

Maura Japhet xete hikjanena egi Shem hojhieja jhikjanena, egi Kanaan ware harnikjanena.

Matthaiga 25:40

Egi Hungra hornihakjanena egi wawagekjanena: Hisgexjina hinigawina, xunuxjinig warnira hisha jagu ragish’uwingi ne wairagish’uwina.

Matthaiga 25:45

Egi wawornigihakjanena, wekjanena: Hisgexjina hinigawina, xununig warnira hisha inke washa ragish’uwinigi, hishge inke washa hinagish’uwinina.