Hogusra 24:12 - Winnebego Bible Portions 1907

¹² Egi wena: Jehowa Mau hirukana harnira Abraham harnira, ningitarna hamb de‐e hophiowewine, egi hirukana harnira Abraham phingigire.

Hogusra 24:12 ပူးပေါင်းရင်းမြစ်များ

Hogusra 15:1

Egi washa de‐e hageja Jehowa hoit’e Abram washanja higiu hirajihina, wena: Abram inke naxiranine, hinuwang hashinira Newinena egi woirowe rokana xete hashinira Newinena.

Hogusra 24:21

Egi wangjega khore inke xabnijena, hiperes‐nai Jehowa jasge nigigikjanegi hoikiware harnira higisge‐arnaga nigeshge inke shesgarnikjanegi.

Hogusra 24:27

Egi wena: Jehowa Maura hirukana harnira Abraham nirajankhirekjanena, E hinke hirukana harnira najojara egi wogisogra hagirushjanina, naguregi haumagra Jehowa hirukana harnira wakhinubra hojhireja hinihina.

Hogusra 24:42

Egi hamb de‐e ni‐waguregi hajina, egi wahena: Jehowa Mau hirukana harnira Abraham harnira, hoikiware harnira hisgehinagigigi, wawatahare.

Hogusra 24:48

Egi pakhuanaga egi Jehowa hagikarajshana egi Jehowa Mau hirukana harnira Abraham harnira tajankshana, E houna phihi hingigina hirukana harnira khinubra hinugra hinigra khanaikjera.

Hogusra 26:24

Egi Jehowa hahe‐eja jantingi‐khina egi wena: Hianjraga Abraham Mau harnira newinena. Inke naxiranine, harnikishu hauanjege, egi washophi howenikjanena egi su hashinira roha harekjanena ware harnira Abraham hawau.

Hogusra 27:10

Egi hianjraga she‐e haragashini rahikjena, rujharnaga egi naj‐hornijankjena kheni d’arni.

Hogusra 27:20

Egi Isaak hinigra wagena: Hinig‐haxji jasgegaja xapgenig hish’eshe? Egi wena: Jehowa Mau hashinira hingarnijige esge.

Hogusra 28:13

Egi horuxujre, Jehowa hihageja nashinjena egi wena: Newinena Jehowa Mau Abraham harnira hianjraga. Egi Mau Isaak harnira ma horaming‐shawangre hornik’unkjanena egi su hashinira.

Hogusra 31:42

Jajiga Mau harnira egi Abraham Mau harnira egi Isaak hisha nakewera inke hinkishu unijegi, jasgegi rokani kerehinagiginana. Hawera Maura hingijarna egi wore harnira, egi xjarnane hahere naj‐hinisgina.

Hogusra 32:10

Jarnaga naj‐hiroirajara worujis‐jira inke hiakisgarnina, egi wogisogra harnaj, e ware hashinira ragisha‐wahara. Hissagu harninashana hakarani Jordan de‐e hatujera, egi shegunegi hornihe nup harnigaja.

Hogusra 32:9

Egi Jakob wena: Jaji Abraham Mau harnira egi jajiga Isaak Mau harnira Jehowa, e waigena, ma hashinieja hakja howakarare egi washa‐waraija, egi phi ningigikjanena.

Hogusra 43:14

Egi Mau homashjara harnaj harninagra najojaine ninkjena wang‐jega jowehieja, egi rakhinubwira gugigikjena egi Benjamin. Ninkjang jushguni harnikjege waungi, ninkjang jushguni harnikjanegaja.

Matthaiga 22:32

Abraham Mau harnira newinena, egi Isaak Mau harnira egi Jakob Mau harnira. Maura inke d’arnankhi Mau harniranina eshi niambnankhi harninena.